بعد جدل مبادرة الـ150 جرام ذهب.. ياسمين عز: ليه رايح يتجوز حتشبسوت؟
علقت الإعلامية ياسمين عز على الجدل المثار حول مبادرة تيسير الزواج بمحافظة المنيا، والتي حددت أوزان الذهب بناءً على المؤهل الدراسي للعروس.
وقالت ياسمين عز خلال برنامجها كلام الناس: ليه 150 جرام دهب رايح يتجوز حتبشوت؟ دي مبادرة تيسير الزواج أومال لوتصعيب، مالها الدبلة العادية والسلسلة عليها ما شاء الله راحت فين.
وواصلت: فاكرة لما كنت بقولك ذاكري يا بليدة كنت بقولك عشان تاخدي الـ150 جرام، كان قلبي عليكي، شيء ميرضيش ربنا مش رايح يخطب شيماء حطب، إن شالله عنك ما اتجوزتي، خلو البنات تعنس والشباب ميتجوزش.
ياسمين عز
وفي سياق آخر، سبق وناشدت الإعلامية ياسمين عز وزارة الاتصالات باتخاذ إجراءات صارمة تتعلق بالإنترنت في مصر، وذلك عبر برنامجها كلام الناس، قائلة: أرجوكم افصلوا النت عن مصر، أنا قلبي عليكم إحنا ملناش إنترنت، كل يوم 70 فيديو ومنشن لوزارة الداخلية، وإحنا شاكرين مجهوداتكم، ربنا يكون في عونكم، في إشارة إلى ما وصفته بالكم الكبير من المحتوى المزعج أو المفرط على الشبكة.
وفي وقت سابق، بموسم رمضان الماضي وجهت ياسمين عز، رسالة للسيدات، معلقة: أول يوم رمضان بلاش تبقي تقليدية وتعملي بط ومحشي زي مصر كلها.. غيري واعملي فول وبتنجان في أول يوم عشان تخليهم يحسوا بالفقراء والمحتاجين، ورمضان شهر عبادة مش شهر بط.
