أحمد غانم سلطان: اللي بيحصل بين الأهلي واتحاد الكرة استخفاف بعقول الناس
تحدث أحمد غانم سلطان نجم الكرة المصرية السابق، عن الوضع الحالي للنادي الأهلي وتراجع نتائج الفريق وخروجه من دوري أبطال إفريقيا من الدور ربع النهائي.
تصريحات أحمد غانم سلطان
وقال أحمد غانم سلطان في تصريحات تليفزيونية: اللي بيحصل بين الأهلي واتحاد الكرة ده استخفاف بعقول الناس، واللي بيحصل ده استعراض قوه من الأهلي، وعيب أن الكلام كله والبرامج كلها تكون بتتكلم عن ضربة جزاء حصلت.
وأضاف نجم الزمالك الأسبق: الأهلي عامل “نوش” وبيلهي الناس وبيستخف بعقول الجماهير بضربة الجزاء عشان ينسوا الناس أخطائهم في شراء اللاعبين، والزمالك والأهلي أكثر ناديين اتجاملوا من الحكام، أحمد مجاهد موجود في اتحاد الكرة وله كلمة بتمشي على أي حد.
وواصل أحمد غانم سلطان: مفيش قانون من وزارة الرياضة ولا اتحاد الكرة بيقول كده، لكن المفروض اللي يروح اللي موجود في الماتش اللي يروح الجهاز الفني أو الإداري، اتحاد الكرة قال محدش يجي غير اللي موجود في الاسكور شيت.
وانتقد أحمد غانم سلطان نجم الكرة المصرية السابق، سيد عبد عبد الحفيظ المشرف العام على الكرة بالنادي الأهلي، بسبب مباراة سيراميكا كليوباترا، قائلا: مينفعش سيد عبد الحفيظ عضو مجلس ينزل الملعب ده مش صح خالص، حق الحكم فين طالما الأهلي بيدور.
وأكمل أحمد غانم سلطان: مش عاوز أقول إن الحكم اتضرب على قفاه من الشناوي هو فين حقه ده شكله إيه قدام أسرته، وأوسكار ده لازم يمشي لأن كل تصريحاته غلط، شكوى الأهلي هياخدها في الجنة.
واختتم أحمد غانم سلطان: جماهير الأهلي فاهمة وواعية، ومبادئ الأهلي وقعت كلها في الأرض لاعيب يقفل تليفونه والتاني يشتم ويجي.
