آخر ألحان عمار الشريعي.. علي الحجار يطرح أحدث أغانيه "مش فارق لي" غدًا
أعلن الفنان علي الحجار، طرح أحدث أغنياته بعنوان “مش فارق لي” غدًا، التي تُعد آخر ألحان الموسيقار الراحل عمار الشريعي، ومن كلمات الشاعر الكبير أيمن بهجت قمر.
وأوضح علي الحجار، عبر حسابه الرسمي على موقع فيس بوك، أن الأغنية سيتم طرحها غدًا 16 أبريل، تزامنًا مع ذكرى ميلاد عمار الشريعي، في لفتة تحمل طابعًا إنسانيًا وفنيًا خاصًا.
أعمال علي الحجار
وسبق وتحدث الفنان علي الحجار عن تحضيرات ألبومه الجديد، وإحيائه لأغاني التراث في حفلاته.
وقال علي الحجار، في لقاء تليفزيوني على هامش حفله بمهرجان القلعة للموسيقى: أنا بدأت في الألبوم الجديد بتاعي وكنت في الاستوديو طول الوقت، وبعدين بدأت بروفات حفلتي في مهرجان القلعة، فملحقتش أشوف اللي بيحصل في المهرجان، والجمهور اللي بيجي في الأوبرا غير اللي بيجي في القلعة، جمهور القلعة بالأعداد الضخمة دي أكيد من جميع طوائف وثقافات مصر.
أما عن حرصه على إحياء أغاني التراث في حفلاته، أضاف علي الحجار: دايمًا شايف إن اللي مالوش قديم ملوش جديد، إحنا عرفنا ماضي المصري القديم من المسلات والمعابد والأهرامات، وكل دول اتبنوا من حجارة الزمن معملش فيها حاجة، لكن الأغاني القديمة اللي اتعملت من العشرينات كانت بتتسجل بطريقة مش هينفع تتسمع دلوقتي.
وأكمل: أنا من بدايتي كنت حريص على إحياء التراث، وفيه حاجات كتير مش متسجلة، وقررت مع نفسي أن لازم نحاول نعيد تراث مصر من جديد.
واختتم علي الحجار: الزمن الجميل مراحش ومنتهاش، وفيه أغنية لـ عمار الشريعي عملها ليا سنة 1998 ومنفذنهاش هتنزل في الألبوم الجديد.
