بعد نشر القاهرة 24.. وزيرة التضامن توجه بدراسة حالة المسنة حاملة نجلها المريض لتقديم الدعم اللازم
وجهت الدكتورة مايا مرسي، وزيرة التضامن الاجتماعي، بفحص حالة السيدة المسنة حاملة نجلها المريض خلال سيرها في الشارع، والتي تداول مقطع فيديو لها خلال الساعات الماضية، وظهرت بعدها في بث مباشر مع القاهرة 24، طالبة للدعم.
وفي تصريحات خاصة لـ القاهرة 24، قال مصدر مطلع بوزارة التضامن الاجتماعي، إن الدكتورة مايا مرسي، وجهت بدراسة الحالة لتقديم كافة أوجه الدعم اللازم والرعاية المطلوبة.
وفي أول تعليق لها، قالت السيدة في تصريحات لـ القاهرة 24، إن نجلها يبلغ من العمر 45 عامًا ويعاني من ضمور عضلات وشلل أطفال وصرع، ولا يوجد علاج لحالته وفقًا لما أكده الأطباء، موضحة: لكن عقله كأنه طفل في العاشرة، وتعبت كتير، بس الحمد لله وربنا أكيد هيعوضني.
وتابعت الأم: أنا اللي بخدمه على قد ما أقدر، وبشيله وبروح بيه لأي مكان، سواء للدكتور أو غيره، وأخته بتساعدني في رعايته لأني شايلة جزء من معدتي وحالتي الصحية بتتدهور يوم عن يوم وبتعالج.. ابني كان هيموت مني قبل كده وحاول ينهي حياته بسبب نوبة الصرع بس الجيران لحقوه.. ودخلنا الشهري بسيط 2000 جنيه ونفسي ابني يتعالج والحمد لله على كل حال، وربنا مش بينسى حد أبدًا، وبنتي التانية بتساعدنا وتعملنا أكل ودي ظروفنا وحياتنا بس بنعيش.
