تعليق ساخر من ياسمين عز على خروج الأهلي وتأهل الزمالك لنصف نهائي الكونفدرالية الإفريقية: معجزة مش قادرة أصدقها
علقت الإعلامية ياسمين عز خلال تصريحاتها في برنامج كلام الناس على شاشة MBC مصر، على خروج الأهلي من بطولة إفريقيا وتأهل الزمالك لنصف نهائي بطولة الكونفدرالية الإفريقية.
وقالت ياسمين عز في تعليقها: فيه معجزة حصلت مش قادرة أصدقها ولا عايزة أصدقها.. عندي حالة إنكار.. الأهلي خرج من بطولة إفريقيا والزمالك مكمل.. دي ظاهرة محتاجين علماء الفيزياء يقولوا إزاي ده حصل.. الزمالك طول عمره بيخرج من دور 64 قبل ما الأتوبيس يوصل الملعب.
وأضافت ياسمين عز: عايزينك تاخد أي حاجة.. خد البطولة.. كفاية اللي اتاخد منك يا حبيبي.. كفاية خدوا منك زيزو وبن شرقي وإمام.. عوض أي حاجة.
وسبق وعلقت الإعلامية ياسمين عز على الجدل المثار حول مبادرة تيسير الزواج بمحافظة المنيا، والتي حددت أوزان الذهب بناءً على المؤهل الدراسي للعروس.
تصريحات ياسمين عز
وقالت ياسمين عز خلال برنامجها كلام الناس: ليه 150 جرام دهب رايح يتجوز حتشبسوت؟ دي مبادرة تيسير الزواج أومال لوتصعيب، مالها الدبلة العادية والسلسلة عليها ما شاء الله راحت فين.
وواصلت: فاكرة لما كنت بقولك ذاكري يا بليدة كنت بقولك عشان تاخدي الـ150 جرام، كان قلبي عليكي، شيء ميرضيش ربنا مش رايح يخطب شيماء حطب، إن شالله عنك ما اتجوزتي، خلو البنات تعنس والشباب ميتجوزش.
