بعد تشكيكه في نتيجة تحاليل إثبات النسب.. الجبالي: كان فاهم غلط ومعرفش يقرأ التحاليل عشان إنجليزي
قال رامي الجبالي مؤسس صفحة أطفال مفقودة، إن صاحب الرقم 71461 والذي أعلن عثوره على عائلته خلال الأيام الماضية وإيجابية التحاليل، تواصل معه منذ دقائق.
الجبالي: كان فاهم غلط ومعرفش يقرأ التحاليل عشان بالإنجليزي
وكتب الجبالي عبر حسابه على فيس بوك: الحمد لله هو خلاص كلمني.. وطلع فعلا كان فاهم غلط ومعرفش يقرأ التحاليل عشان بالإنجليزي وإن شاء الله يلاقي أسرته قريب.. وكمان إن شاء الله الأسرة دي كمان تلاقي ابنها.
وقبل قليل، شارك رامي الجبالي مؤسس صفحة أطفال مفقودة، منشورًا يشكك فيه بنتائج التحاليل الأخيرة لصاحب الرقم 71461 بعد إعلانه عبر حسابه الشخصي، عثوره على عائلته خلال الأيام الماضية وإيجابية التحاليل.
مؤسس صفحة أطفال مفقودة يشكك في نتيجة تحاليل صاحب الرقم 71461
وشارك رامي الجبالي مؤسس صفحة أطفال مفقودة منشورًا عبر حسابه بمنصة التواصل الاجتماعي فيسبوك جاء فيه: خلاص لمينا الأسود والورود.. وخلصنا الـ live على tiktok وهزرنا وضحكنا، نقول لهم الحقيقية بقى عشان ميصحش يا "71461".
وأردف: بعتلك على واتساب مش بترد، اتكلمت مع المعمل اللي عملت معاه التحليل وقالوا لي إنك مش ابنهم وإنهم بلغوك بأن التحاليل نتيجتها سلبية، وإنهم حاولوا يتواصلوا معاك بعد ما شافوا الفيديوهات والكلام الغريب اللي بتقوله برضو مش بترد عليهم!! هنعمل إيه دلوقتي بقى؟.
وأضاف: التحليل بيقول إنهم من سلالة من قبائل عربية، وإنك من سلالة مستحيل تكون قريبهم بأي شكل من الأشكال.. إيه بقى؟!
