تأجيل حسم ملف أزمة زيزو مع الزمالك.. شوبير يكشف التفاصيل
تحدث الإعلامي أحمد شوبير، حول العديد من أخبار كرة القدم المصرية والأهلي، وأزمة زيزو مع الزمالك.
أحمد شوبير يكشف كواليس أزمة أحمد سيد زيزو مع الزمالك
وقال شوبير خلال تصريحات إذاعية عن أزمة زيزو لاعب الأهلي مع الزمالك، إن لجنة شؤون اللاعبين هتجتمع يوم التلات، بس مش هتاخد قرار وقتها، وهتستنى شوية كمان قبل ما تحسم موقف زيزو.
وأضاف: لاعبو الأهلي شايفين إن عمرو الجزار لاعب هايل، وبيسألوا ليه مش بيشارك، لكن في نفس الوقت النادي لسه بيرتب أوراقه.
وأكد أن أنيس بوجلبان له دور مهم ومحل ثقة داخل النادي، وكذلك نادر شوقي.
وبخصوص علي معلول، قال: لما جه مصر مكانش معروف قوي، لكنه كان مكسر الدنيا في تونس، وكان ممكن يكمل الموسم ده مع الأهلي عادي.
وكشف: في لاعب أجنبي مكلّف الأهلي فلوس كتير جدًا، وممكن يمشي الفترة الجاية.
وتكلم عن احتمالية عودة أشرف داري، لكنه أوضح إن الأهلي لا ينتوي ضم مدافع.
وتابع: هيكون تركيزه الأساسي على مركز رأس الحربة.
واختتم: الأهلي السنة دي هيبقى مركز أكتر في الصفقات، والفترة الحالية مليانة إشاعات ولازم ناخد بالنا منها، ومحمد أمين توجاي لاعب الترجي، لعيب مميز ولكن الأهلي معندوش أي حماس للتعاقد معاه.
