أول تعليق لطبيب كفر الشيخ بعد مساعدة أصدقائه له بدلا من بيع خاتم زواجه للحصول على دبلومة

وثّق شاب عبر حسابه على فيس بوك منشورًا عن حصوله على شهادة دبلومة طب الجنين بجامعة طنطا، موضحًا أنه مرّ بضائقة مالية لم يتمكن على إثرها من سداد قيمة الامتحان، فاضطر إلى التفكير في بيع خاتم زواجه للحصول على المبلغ اللازم، وبذهابه إلى محل المصوغات فوجئ بإرسال أصدقائه المبلغ المطلوب لدخول الامتحان.

أول تعليق لطبيب كفر الشيخ بعد مساعدة أصدقائه له للحصول على دبلومة بدلا من بيع خاتم زواجه

وقال دكتور أحمد ابو الحسن في تصريحات خاصة لـ القاهرة 24: كان عندي امتحان الدبلومة وكنت هتحرم من دخوله لو مدفعش الفلوس، زوجتي قررت تبيع الدبلة وأنا كنت رافض تماما، وكذا مرة خدت الدبلة عشان أبيعها وسبحان الله كنت برجع بيها تاني.

وأكد: أتوقع من أصحابي يعملوا أكتر من كده بكتير لأنهم مش بيتأخروا عليا، ولو الموضوع وصل إنهم يبيعوا عفش بيتهم هيعملوا كده، ومكنش أول موقف ليهم معايا، واستلفت منهم قبل كده كذا مرة وسددتلهم.

وأضاف: هدف البوست كان رسالة لأي حد بيعافر وحاسس بيأس أو الحياة ضاقت عليه إنه ميستسلمش أو يشوف الدنيا سوداء.