طليقة علي الحجار ردًا على انتقادات ابنتهما: اتكسفت تطلب مني فلوس.. وبتعاني من الغدة الدرقية
ردت الفنانة سحر حسن، طليقة الفنان علي الحجار، على الانتقادات التي طالت ابنتهما بثينة منذ ظهورها في مقطع فيديو تشكو فيه من إهمال والدها، حيث انتقد الجمهور الهيئة التي ظهرت بها بثينة.
وقالت سحر حسن، في تصريح خاص لـ"القاهرة 24": بثينة بنتي لما ظهرت في الفيديو قالت إنها مكلتش بقسماط بقالها يوم، والناس فهمت إنها مش لاقية تاكل، هي عندها 2 قطط فلوسها كلها ضايعة عليهم، وواحدة منهم عاملة لها باسبور وبتسافر معاها ألمانيا، وبنتي بتتبرع وتنزل تشيل القذارة من النيل، مخها أوروبي.
وكشفت سحر حسن تفاصيل معاناة ابنتها مع الغدة الدرقية، قائلة: بنتي بتعاني من الغدة الدرقية، لو مكلتش كويس وأخدت الدواء، تحت عينيها بيبقى أسود، الناس مش مقدرة وبيقولوا مدمنة، وده مش حقيقي.
وأضافت طليقة علي الحجار: سكنت مع أصحابها في بيت جنبي بسبب إزعاج القطط، وتعبت بسبب الغدة الدرقية، وطلبت إجازة واترفضت، فبقت مبتشتغلش، الفلوس مقصرة معاها وخجلانة تطلب مني.
ابنة علي الحجار
وسبق وأشارت ابنة علي الحجار، إلى أن الفيديو تم تفسيره بشكل خاطئ، وهو ما تسبب في موجة من الاتهامات غير الصحيحة، من بينها ما تردد حول تعاطيها مواد مخدرة، مؤكدة رفضها القاطع لهذه الادعاءات.
وطالبت الجمهور بتحري الدقة قبل إطلاق الأحكام، معلقة: أنا كنت بتكلم مع صحابي ومكنتش عايزة الموضوع يكبر، كان نفسي علاقتي تكون كويسة بعائلتي ووالدي.. بس ده غلطة من عندهم، بتقولوا عليا مدمنة؟.. أنا مريضة ومريت بظروفة صعبة والدي ميعرفش عنها حاجة، ساعدوني أني أشتغل.. أنا بمثل وبكتب واللي يلاقي شغل يقولي.
