قالي إنه دايخ.. المطربة منه سري تستغيث بعد تعرضها للسرقة من سائق بشركة إندرايف | تفاصيل
استغاثت مطربة تدعى منة سري، من تعرضها للابتزاز والتهديد من سائق نقل ذكي تابع لـ تطبيق indrive خلال عودتها من عملها، إضافة لسرقة هاتفها ومتعلقاتها الشخصية وجميع الكروت البنكية، وطلب مبالغ مالية كبيرة من أصدقائها مقابل إعادة المسروقات لها.
المطربة منه سري تستغيث بعد تعرضها للسرقة من سائق بشركة إندرايف
وشاركت منة سرّي منشورًا عبر حسابها الشخصي جاء فيه: «أنا اتعرضت للسرقة والتهديد بعد رحلة من خلال تطبيق InDrive، واتفاجئت بعد كده إن بيانات العربية والسواق مختلفة تمامًا عن اللي موجود على التطبيق، كنت راجعة من شغلي في الجونة، والباص نزلني ميدان سفنكس، طلبت العربية من تطبيق inDrive».
وتابعت: بعد ما اتحركنا السواق قالي إنه حاسس بدوخة وسألني إذا كنت بعرف أسوق، أنا خفت يحصل حادثة أو يجراله حاجة، فنزلت وسوقت مسافة بسيطة جدًا لحد ما قال إنه كويس، وصلنا عند سفارة فنلندا في منطقة الدقي وبعدها قالي إنه هيكمل السواقة، خلال الرحلة شاف الرقم السري لـ موبايلي لما كنت بشحنه.
وأضافت: لما نزلت من العربية وأنا بلف أركب في الكنبة الخلفية، فجأة العربية جريت وأنا إيدي لسه ماسكة الباب، واتسحبت على الأرض واتعورت جامد في إيدي ورجلي.. اتسرق مني موبايلي، والآيباد، وفلوسي وكل المحافظ البنكية، وشنطة السفر بكل اللي فيها من هدوم وأحذية ومكياج ومتعلقات شخصية.
وتابعت: تفاجئت بعدها أنه تم استخدام موبايلي في طلب فلوس من أصدقائي، وللأسف أحد أصدقائي بالفعل بعت 15 ألف جنيه وتم تهديد أختي وطلب 50 ألف جنيه مقابل رجوع الحاجة وكمان كل يوم بيتم محاولات لفتح حساباتي البنكية والـ insta Pay، وفي نفس اليوم عملت محضر في قسم الدقي رقم 4667، وهناك عرفوا رقم العربية ونوعها واكتشفوا إنها مختلفة عن بيانات التطبيق، وكمان عملت محضر في مباحث الإنترنت رقم 30، وكل التفاصيل والأرقام مع الجهات المختصة.
