رابع عيد من غيرها.. سيدة تستغيث من اختطاف طليقها لصغيرتها بالقليوبية: نفسي ترجعلي وأطمن عليها
استغاثت سيدة، والدة الصغيرة فريدة محمد إبراهيم بدوي، صاحبة الـ 4 سنوات، من إخفاء طليقها لصغيرتها منذ عامين، حيث قالت: بنتي أبوها خدها مني خلال تنفيذ حكم الرؤية يوم 20 ديسمبر 2024، حاولت أرجعها بالود ووالدها رفض، وأهله قالوا ما يعرفوش مكانه، وعدى عليا 4 أعياد من غير ما أشوف بنتي وقلبي موجوع عليها.
سيدة تستغيث من اختطاف طليقها لصغيرتها بالقليوبية
وأوضحت أسماء حامد الحسيني هزاع، من قرية طحانوب مركز شبين القناطر بمحافظة القليوبية، ووالدة الصغيرة فريدة محمد إبراهيم بدوي، أنها اتخذت الإجراءات القانونية ضد طليقها بعد إصراره على عدم تسليم الصغيرة لوالدتها، وخاصة أن الأم لديها قرار بحضانة الطفلة، وصدر قرار رقم 525 لسنة 2024 بتسليم الصغيرة مرة أخرى، موضحة أنها حاولت التنفيذ أكثر من 6 مرات ولكن دون جدوى، وكان دائمًا يتم تبليغ الأب ويهرب بالصغيرة.
وقالت أسماء حامد الحسيني: أهله طلبوا مني أمضي على وصلات أمانة عشان أشوف بنتي، وبيعند قصادي ومش راضي يسلمني بنتي، أنا عمري ما حاولت أكره بنتي في والدها، بالعكس كنت طول الوقت بحاول أقربها منه، وهو عارف إنها ملهاش ذنب في المشاكل اللي بيني وبينه، وهي بتحب أبوها وكنت بحببها فيه أكتر، وهو خدها مني بالغصب خلال تنفيذ حكم الرؤية بسبب رفضي الرجوع له، لأني رجعت له مرة واتطلقت منه تاني، وعملت كل حاجة عشان بنتي ترجع لي ومعايا حكم بحضانتها، وكل اللي محتاجاه إنها ترجعلي وأطمن عليها.
وتابعت والدة الصغيرة فريدة محمد إبراهيم بدوي: ناس كتير حاولت تتدخل وتحل المشكلة وعملت له جلسات عرفية كذا مرة، لكنه كان بيرفض يقعد ونتكلم ونتفاهم.. أنا خايفة على بنتي ومش عارفة عنها حاجة بقالي سنتين، ولا أعرف كبرت إزاي ولا شكلها بقى عامل إزاي، حتى رافض يبعت لي أي صورة لها.. نفسي أوصل لبنتي وترجع لحضني تاني، كل عيد بستنى إنها ترجع لي، لكنه حرق قلبي عليها.
