سلوى خطاب: بيتحكم علينا بعد 30 سنة إننا كويسين.. وممكن أعمل عملية تجميل
كشفت الفنانة سلوى خطاب موقفها من عمليات التجميل ونصائحها لممثلات الجيل الجديد حول كيفية المحافظة على شبابهن، وملامح الوجه.
وقالت سلوى خطاب في لقائها مع القاهرة 24: أنا مش ضد عمليات التجميل، وممكن أعمل عملية تجميل معنديش مشكلة، دي حاجة على مستوى العالم كله ممكن حاجة تتظبط مش نغير الشكل.
وأضافت سلوى خطاب: أنا ضد النصائح، وشايفة أن كل جيل له تجربته زي ما كان لينا تجربتنا، هما لسه ليهم تجربتهم، وإحنا بيتحكم علينا بعد 30 سنة في المجال إننا كويسين، المشوار الفني ده طويل جدًا ومحتاج طاقة وأن الواحد بيجي على نفسه كتير علشان يقدم اللي هو عايزه، والجيل الجديد فيهم طاقات كبيرة ومش محتاجين نصائح.
آخر أعمال سلوى خطاب
وشاركت الفنانة سلوى خطاب في السباق الرمضاني الماضي بمسلسل درش، وحقق العمل نجاحًا كبيرًا وقت عرضه.
والعمل مكون من 30 حلقة، ودارت أحداث مسلسل درش، في إطار درامي شعبي مليء بالمفاجآت والتقلبات، حيث يسلط الضوء على صراعات إنسانية واجتماعية متشابكة، في حبكة درامية مشوقة تعتمد على تصاعد الأحداث وتغير مواقف الشخصيات.
