السيسى عن إصلاح قطاع الأعمال: اتفرج كمان سنة أو اثنين هاتلاقى الدنيا مختلفة خالص

أشاد الرئيس عبدالفتاح السيسى، بقدرة الشعب المصرى على تحمل الإجراءات الاقتصادية، قائلاً: “شعب مصر صلب جدا وقادر جدا، لكن علشان ناخد مكان على خريطة العالم، ده أقصى من كده وأصعب من كده وأكتر من كده ويجب أن نتحمل علشان ناخد مكانتنا الحقيقية”.

وقال الرئيس السيسي في مداخلة، أمام جلسة عن الإصلاح الاقتصادي والحماية الاجتماعية في إطار أعمال اليوم الثاني لمؤتمر الشباب المنعقد حاليا بمكتبة الإسكندرية، إن التردد في اتخاذ القرار السليم والمدروس خيانة والتردد كان سيكون خطرا على الدولة ومسؤوليها، وإذا لم يتخذ الرئيس القرار السليم كان سيصبح غير أمين على وطنه ولا على أهله.

وحول مصانع قطاع الأعمال، أضاف الرئيس السيسى، “دولة فيها 100 مليون إنتاجها لصالح شعبها يبقى بالمستوى ده، طيب لما نعمل إصلاح حقيقى لهذه الشركات اتفرج كمان سنة أو اثنين هاتلاقى الدنيا مختلفة خالص حتى جودة المنتج اللى طالع ستكون مختلفة”.

وبالحديث عن حتمية اتخاذ قرارات الإصلاح الاقتصادى، أكد الرئيس “حتمية القرار كان علشان جدارة وقدرة الدولة المصرية ولن يتحقق لها هذه الجدارة إلا بحل مشاكلنا بشكل حاسم علشان نطلع لقدام، ولو رجعت الأمور مرة ثانية لم يكن لدينا أى خيار سوى اتخاذ هذا القرار، فاستحملوا معانا شوية”.

وأعرب السيسي عن أمله، في استمرار الإصلاح بلا تردد، مضيفا أنه كان يجد  دول سكانها واحد على عشرة من تعداد سكان مصر وتعاني مشكلة عدم الزيادة السكانية ومع ذلك فإن ناتجها المحلي يصل إلى نفس مستوى الناتج المحلي لمصر.