مي حلمي تنتقد وسائل الإعلام وتتعهد: هرجع احكي على كل حاجة
“مش عايزه اتكلم في أي حاجه غير عن وجع كسره الفرحه، ولا إعلام ولا ميديا ولا دنيا ولا مين شمتان ولا مين فرحان مش فارقلي، كلنا بندور علي الفرقعه علي السبق اللي يضرب بس لو هتكلم عن نفسي عمري ما هعمل كده وقت غياب فرحه حد ومش اي فرحه دي فرحه العمر زي ما بيقولو”..بهذه الكلمات بدأت الفنانة مى حلمى بالحديث عن أزمة إلغاء حفل زفافها.
واستنكرت مي، ما أثير عبر وسائل الإعلام المختلفة، حول حدوث مشكلات أدت إلى إلغاء حفل الزفاف، قائلة: ازاي قدرتوا تعملو كده لكل الناس وأولهم القريبين؟..ازاي قدرتو تقولوا كلام غلط وحكايات ماحصلتش ازاي سبتو فرحتنا علي جمب؟
وأضافت مي بحزن شديد، عبر حسابها الرسمي، على موقع “إنستجرام”: عارفين يعني ايه بعد ما البس فستاني اقلعه؟ بعد ما خلاص خطوه واحده من ٤ سنين مستنياه تبوظ بسبب الناس الي نقلت كلام غلط مش هقول الميديا، الميديا طول عمرها كده وقبل ماشتغلها وأنا عارفه أنها كده نتكلم عن الناس الطبيعيه ….. ازاي قدرتوا تشمتو اوتفرحو في وجع غيركم واللي يدعي واللي يضحك واللي يقول أحسن فهموني انتو بني أدمين ؟ بتخافو ربنا ؟
وخرجت مي حلمي، تواجه متابعيها وجمهورها، بعد أزمة حولت أسعد لحظات حياتها إلى “كابوس”، قائلة: “بعد الهيصه والزيطه مابيفضلش غير الحلو وبيبان الوحش بس كل الي عايزه اقوله الشدد بتبين … في الأخر حبيت اخرج كلام جوايا من اللي شوفته اليومين الي فاتوا”.
View this post on Instagram
واستكملت: “والله والله مافرق معايا غير فرحتنا أنا وهو مش أنا بس اللي اتكسرت فستاني اللي قلعته بدلته الي اتقلعت ومحدش فاهم حاجه أهالينا الي زعلانين علينا “.
وأشارت “حلمي” إلى أنها كانت تفضل عدم الحديث، لكنها أفرغت ما كان بداخلها، مؤكدة: “محدش بيرضي في عشره عمره لو عامل فيه ايه مابيرضالوش الوحش ولا دعوه واحده بالغلط عشان ماحدش كان عارف ايه الي حصل معظم الناس انا كنت هناك انا كنت حاضر انا كنت شاهد، كنت دعيت ربنا يهدي الدنيا ويجمعهم في الحلال بدل ما كنت حكيت الي سمعته مش الي شوفته احساس صعب فرحه عمرك تتكسر قدامك بعد سنين “.
واختتمت حلمي حديثها: “فرحه فستان بتاعة الراديو، راجعة ان شاء الله هنحكي كل حاجه وهنقول كل حاجه بس في الوقت الي احنا عايزينه مش الي الناس عاوزاه” مؤكدة: “نصيحه من قلبي لكل اتنين متجوزين عايزين يسيبو بعض لكل اتنين مخطوبين لكل اتنين بيحبو بعض “الحب مابيتبعش” ولو ضيعتوه والله مابيجي تاني امسكو فيه مهما حصل، أكيد هنطلع ونتكلم بس ادونا شويه فرصتنا مع بعض بعيد عن الاضواء، وعاوزة دعوه حلوه لينا ارجوكم”.
