أسامة منير: "أنا مبفوتش عيد الحب.. ومراتي مش مادية"

كشف الإعلامي الكبير أسامة منير، طقوس احتفاله بعيد الحب والذي يوافق يوم 14 فبراير من كل عام، وذلك خلال ندوته بالأمس في مقر "القاهرة 24".

وقال منير: "لازم أكون موجود على الهواء وأكون محضر، بروح بيتي الساعة 2 بليل، عيد الحب بالنسبة لي الساعتين بتوع الصبح لما بخلص شغلي.. وبعدين بصحى أنزل شغلي عادي تاني يوم الصبح".

وتابع: "النهاردة مراتي جابتلي هدية وأنا مشفتهاش عشان طلعت بسرعة من الأوضة ومشيت.. فقالتلي إيه مافيش نظر؟..، أنت مش شايف مش معقول بقى مش شايف الهدية".

واستكمل: "أنا مبفوتش عيد حب مهما كانت الهدية حتى لو رمزية، بس لازم أرجع البيت بهدية، وأنا مراتي مش من الناس اللي بتقيم الأمور المادية".