الرئيس السيسي: بأمارة إيه اللي في شركات قطاع الأعمال بيديروا كويس؟
تحدث الرئيس عبد الفتاح السيسي، عن إدارة القطاع العام والحكومي، قائلا: بقولكم وكل زمايلنا اللى في شركات قطاع الاعمال ممكن يختلفوا معانا، يقولك لأ إحنا بندير كويس أرد عليك وأقولك بامارة إيه؟، بأمارة مجالس الإدارة اللى فلوسها بالكوم، على الهواء بتتكلم كده؟، أه طبعا..لا بخاف ولا بيهمني إلا البلد بس، لكن مبخفش من حد خالص، العمر بتاع ربنا والمكان بتاع ربنا وقت ما يقولى يلاه عظم وامشى.
وأضاف الرئيس السيسي خلال افتتاح مصنع كيما بأسوان: إدارة القطاع العام والحكومة ليست ذات كفاءة ولا تحقق النجاح المطلوب، ممكن تحقق نجاح لكن النجاح ده في مصر وظروفك الاقتصادية مش عاوز نجاح عاوز تفوق وقفز.. مينفعش تقولى حققت 5 أو 10 % ولا يمكن يحصل إلى بالحكومة في كل نقطة كهربا وميه.
السيسي: مفيش إجراء إلا بنأكد الحفاظ على حقوق العمال
و أكد الرئيس عبد الفتاح السيسي، أن الدولة المصرية تسعى للحفاظ على العمالة خلال عملية الإصلاح في قطاع الأعمال، قائلا: كل النقاش في عملية الإصلاح في قطاع الأعمال شايفين العمالة والحفاظ على حقوقها.. وبنحاول نعمل إصلاح.. كل إجراء للتصويب والإصلاح لا يمكن يكون على حساب العمال.
أضاف الرئيس السيسي: العامل ملوش ذنب في عملية الإصلاح.. وبالتالي مفيش إجراء إلا بنأكد الحفاظ على حقوق العمال.. والدولة فقط تتحمل التكلفة.. ومش العامل.. اهل الشر بياخدوا الكلام وبيعملوا عليه.. الإصلاح لن يكون على حساب حقوق العمال.
في ذات السياق صرح السفير بسام راضي، المتحدث الرسمي باسم رئاسة الجمهورية، إن الرئيس عبد الفتاح السيسي يتفقد صباح اليوم، مصنع اليوريا ونترات الأمونيا بمنطقة كيما بمحافظة أسوان.
كما يتفقد الرئيس كذلك، محطة سكك حديد أسوان، حيث يشهد تدشين الوحدات المتحركة الجديدة بمختلف أنواعها، من قاطرات وعربات السكك الحديدية.
