ويجز: اتصدمت في الناس لما خرجت برا قوقعة الإسكندرية
حل مطرب الراب ويجز ضيفًا للإعلامي أنس بوخش ببرنامج AB Talks، المذاع عبر قناة الإعلامي على موقع الفيديوهات يوتيوب، متحدثًا خلال الحلقة عن بدايته الفنية وطفولته وطريقة تعامله مع الشهرة.
خروج ويجز من الإسكندرية
وقال ويجز: لما خرجت برا قوقعة إسكندرية للقاهرة ومن القاهرة روحت المغرب ودبي وشوفت الناس، وكانت صدمة بالنسبة لي أنا شاب 23 سنة مش كبير وأول مرة أشوف العالم شكله عامل ازاي والناس مختلفين تماما ومبيفكروش بنفس الطريقة وكان فيه كلاش في الأول وبعدين تخطيته خلاص.
وأضاف ويجز: وابتديت أحس بعد كده إن أنا جاي على نفسي ومحدش له عليا وأنا الوحيد اللي هنفعني ورقابة حالي، فالحاجات اللي عارف إني مينفعش اعمله مبعملوش، ومبخططش للمستقبل أخرى تخطيط للأسبوع أو الشهر لأني بحب أعيش اللحظة بلحظتها، ولو في إيدي أغير صفة في أهلي بطفولتي مش هعمل كده، لأني مضمنش إني هبقى نفس الشخص اللي أنا عليه دلوقتي، ولكن ممكن أقول إن ياريت أبويا كان يزورنا أكتر في طفولتي.
دخول ويجز مجال الراب
وتابع ويجز: دخولي مجال الراب مكنش صدفة، وحوليا كام شخص متطورين في الحاجة اللي محتاجها عشان أوصل وبنفكر بصوت عالي مع بعض، ومحبش حد يقلدني في حاجة غلط بعملها، وبحب أعمل مزيكا شكلها حلو تليق بالناس اللي بتسمع واتبسط وأنا بعملها وده اللي بينجح إنك تعمل أغنية عشان دي حاجة بتحبها.
واستكمل ويجز: ومقدرش أقول أنهي تراك بحبه أكتر لأني بحبهم كلهم وكاتبهم كلهم وكل تراك له حالته اللي عدت عليا، وأوقات بهرب من الحفلات لما بيشغلوا أغاني لي فببقى سامع الموقف اللي حصلي في الأغنية أو الحالة ومش في كل الأوقات ببقى في الحالة اللي تخليني أسمعني.
