ويجز: كل اللي وصلت له كتير على واحد عنده 23 سنة
تحدث مطرب الراب الشهير ويجز، عن شهرته التي وصل إليها خلال الآونة الأخيرة، بالإضافة إلى العديد من الجوانب الشخصية وبداياته الفنية، مشيرًا إلى أن طفولته كانت قاسية.
وسأل الإعلامي أنس بوخش، مطرب الراب ويجز، في برنامج AB Talks: كل اللي أنت عملته وضغط الشغل والسياسات في الموسيقى والتحديات بين الرابرز والسوشيال ميديا والماسدجات وشهرتك، هل كل ده كتير على واحد عنده 23 سنة؟؛ ليجيبه ويجز: أكيد.
نجاح ويجز
وأضاف ويجز: بس حاجة من الاتنين، يا تتجنن.. يا تكمل، ومضطر أمتص اللي بيحصل؛ عشان أعرف أكمل، بديرها وبقسِّم المجهود الذهني على أكتر من شخص، ولما تشوفني في أي مكان؛ اعرف إني مش واحد، غير كده، بكبَّر دماغي، أنا بارد لأبعد الحدود، فماعنديش أي مشكلة، عشان توصل لحتة إنك تضايقني؛ مش هتوصل لها، ودايمًا ريلاكس، يعني لو العالم بيبوظ؛ أنا ببقى عادي، والموضوع ده مجاش بين يوم وليلة.
طفولة ويجز
وأشار ويجز إلى أن طفولته اتسمت بالقسوة؛ فكان يتنقل كثيرًا في حياته، بسبب ظروف عمل والده، كما أن لديه 6 أخوات، ليسوا أشقاء، وكل واحد منهم يعيش في مكان مختلف عن الآخر، مؤكدًا أنه الأقرب في علاقته من والدته، مقارنةً بوالده.
ونوه ويجز، بأنه إذا امتلك القدرة على تغيير صفة في والديه خلال طفولته؛ لن يتخذ ذلك القرار، لأنه لا يعلم نتيجة ذلك التغيير، فقد تكون النتيجة هي شخصية أخرى بخلاف التي هو عليها الآن، وبالتالي لا يكون هو نفس الشخص الناجح حاليا ويحبه الآلاف.
