ويجز: لا أحب الشهرة وبسببها ببقى عريس كل ليلة
أوضح مطرب الراب الشهير ويجز أنه لا يحب الشهرة، لأن شخصيته اجتماعية وتلك الشهرة تعيقه في التعامل مع البشر، فيضطر إلى أن تسلك حياته مسار بخلاف الذي يسلكه باقي البشر كي يتأقلم مع الشهرة.
شهرة ويجز
وقال ويجز مع الإعلامي أنس بوخش: مستحيل أحب الشهرة، عشان كتير أو ي وأنا مش كده، أنا شخص اجتماعي جدًا بس أحب أنا اللي اتعرف مش حد يجي يتعرف عليا، وأنا اللي اروح اتعرف على الناس، والموضوع له تكنيك هتمشي حياتك في أوقات غير اللي باقي الناس هتمشي حياتهم فيه، فيعني بدل ما تروح المول الخميس الساعة 8 بليل هتروحه الساعة 10 الصبح.
وأضاف ويجز: حفلاتي بحسها فرح، إن الناس كلها تتجمع في مكان بالأعداد دي بيبقى فرح، وبتتمنى يبقى فرحك، فأنا عريس كل ليلة.
أما عن لونه المفضل، فأشار ويجز إلى أنه يحب اللون الأزرق لأنه يشعر بصفائه، كما أنه لون السماء والبحر الذي تربى عليهما في سنوات طفولته، بالإضافة إلى أن طائره المفضل هو اليمام، قائلًا: بحب اليمامة وكان عندي قصة مع اليمامة هي طائر السلام واليمام بيلم بعض على الأكل وطائر لذيذ، وياريت اتجوز يمامة تجيبلي يمام تاني.
ويجز والمنافقين
واستكمل ويجز حديثه عن المنافقين، فأشار إلى أن مجاله ممتلئ بالمنافقين، وتابع: في مجالي فيه منافقين كتير بس أنا عارفهم كلهم ومحدش فيهم يعرف يضحك عليا ومفيش غير المنافقين وفيه ناس جدعان، وبطلت أسابق الأحداث وأعامل كل شخص باللي عاملني بيه بس لحد ما يعوز حاجة ومديهولوش تاني.
