رحلة إلى الموت.. الطفلة الناجية من جريمة الأم تروي تفاصيل قتل شقيقتها: ركبنا القطر وماما قتلت أختي وعمو أنقذني
كشفت التحقيقات تفاصيل صادمة في واقعة إلقاء أم لطفلتها من أعلى كوبري قصر النيل، وشروعها في إلقاء طفلتها الأخرى ثم الانتحار، إثر مرورها بضائقة مادية بعد انفصالها عن زوجها لكن العناية الإلهية أنقذتها وأنقذت طفلتها الأخرى حيث تصادف مرور طالب حال دون إتمام مخططها.
رحلة إلى الموت
وينشر القاهرة 24، أقوال الطفلة أمارة 8 سنوات الناجية من جريمة الأم والتي روت تفاصيل الواقعة أمام جهات التحقيق وإلى نص التحقيقات:-
س: ما تفصيلات ما حدث؟
ج: اللي حصل أن ماما خدتني أمبارح أنا وأمينة وقالت لي أننا رايحين نجيب هدوم من شربين وركبنا القطر من بلقاس وغيرنا القطر مرتين وصلنا محطة، وخدنا عربية منها نزلتنا عند النيل، وماما شالت أمينة على كفها ومسكتني في أيدها، ومشينا على كوبري، وفجأة في نص الكوبري، ماما رمت أمينة في الميه، ومسكتني وكانت عايزه ترميني، بس أنا خوفت ومسكت في سور الكوبري، وقعدت أصرخ وفي واحد شدني من ماما، راحت ماما رمت الشنطة بتاعتها في المياه، وراحت طالعة فوق سور الكوبري وحاولت ترمي نفسها في المياه، وراح نفس الراجل شدها وماما أغمى عليها، والناس اتلمت وودونا للبوليس.
س: متی وأین حدث ذلك؟
ج: الكلام ده حصل أمبارح ركبنا القطر من بلقاس والدنيا صبح وغيرنا القطر مرتين ووصلنا محطة كبيرة زي المحكمة على المغرب وركبنا عربية ودتنا عند النيل بليل.
س: ومن كان برفقتك آنذاك؟
ج: كنت مع ماما واختي أمينة.
س: وما الذي حدث عقب ذلك؟
ج: وأحنا ماشيين على الكوبري فجاءة في نص الكوبري ماما رمت امينة في المياه ومسكتني وكانت عايزة ترميني بس أنا خوفت ومسكت في سور الكوبري وقعدت أصرخ وفي واحد شدني من ماما راحت ماما رمت الشنطة بتاعتها في المياه وراحت طالعة فوق سور الكوبري وحاولت ترمي نفسها في المياه وراح نفس الراجل شدها وماما أغمى عليها والناس أتلمت وودونا للبوليس.
س: وهل دار حدیث بينك وبين والدتك خلال السفر أو عند ارتكاب والدتك للواقعة؟
ج: لا ماما متكلمش معايا خالص.
س: وما هو سلوك والدتك تجاهك بصفه عامة؟
ج: ماما مش مهتمة بیا وساعات بتضربني وبتضرب أمينة.
س: واین ومع من تقيمين؟
ج: انا ساكنة مع ماما وأمينة في شقة في بيت جدي في بلقاس وبابا مطلق ماما.
س: وما قصد والدتك من ارتكاب تلك الواقعة؟
ج: ماما كان قصدها ترمي أمينة في المياه معرفش ليه وكانت عايزة ترميني في المياه وترمي نفسها بس في راجل لحقنا ومعرفش هي بتعمل كده ليه.
