والد المصري المُصاب بأوكرانيا: محمد في خطر.. والضرب شغال تحت المستشفى اللي بيتعالج فيه
روت شقيقة الشاب المصري الذي أُصيب بعيارين ناريين في العمليات العسكرية الدائرة في أوكرانيا في مواجهة روسيا، تفاصيل حالته الصحية، موضحة أنه يتلقى علاجه في أحد المستشفيات بمدينة خاركوف شرقي أوكرانيا.
محمد في خطر
وقالت في بث عبر القاهرة 24، إن شقيقها في حالة حرجة، وطالب المسؤولين بترحيله من المكان المتواجد فيه، متابعة: محمد كان بيعيط خلال اتصاله علينا اليوم، المستشفى اللي هو فيه، الضرب شغال حواليه، محمد في خطر.
من جهته، قال والده: عرفنا إنه مصاب من خلال النت، وروحنا لوزارة الخارجية، الناس تعاملوا معانا كويس، وخدوا البيانات الخاصة بيه، والصور، وعملوا اللازم، بس إحنا بنطالب كل المسؤولين، ونترجى الجميع، بنقل محمد من المكان اللي هوه فيه، وإعادته إلى مصر.
وأكمل والد المصري المصاب في أوكرانيا: نطالب وزارة الخارجية بأنها تِطَلَّع محمد من المكان اللي فيه حاليا؛ لأنه خطر عليه، والضرب تحت المستشفى اللي بيتعالج فيه، واتصل بينا اليوم، وتعبان جدًا، ومش قادر يتكلم.
وتابع: بنطالب بنقل محمد مؤقتا من المستشفى اللي فيه، عشان الضرب اللي شغال، ابني مصاب ويتألم، ومش قادر يتحرك خالص، حالته صعبة جدًا.
ومن جهته، وجه سامح شكري وزير الخارجية، أمس الأحد، سفير مصر لدى كييف، باتخاذ الإجراءات اللازمة؛ لتقديم الرعاية التامة للمواطن المصري المصاب.
وأوصى شكري، بتقديم كل أوجه الدعم له بالشكل المناسب، وبصورة عاجلة، في ضوء الوضع المتأزم حاليا في عموم الأراضي الأوكرانية.
