حورية فرغلي: بشوف ولد وبنت من العالم الآخر في شقتي وبيهزروا معايا
قالت الفنانة حورية فرغلي، إنها ترى في شقتها مخلوقات من عالم آخر، وهم ولد وبنت يعيشون معها في المنزل.
وتابعت فرغلي، خلال لقائها مع الإعلامية آسما إبراهيم في برنامج حبر سري على شاشة القاهرة والناس: عندي في البيت بنت وولد من العالم الآخر، وبشوفهم على طول وبيهزروا معايا كتير، وبيخبطوا على الباب، وبيفتحوا الباب وبيعملوا حاجات كده.
وأضافت حورية: دايما بشوف البنت قاعدة على السفرة، وشعرها زي شعري كده كاريه، وهي صغيرة كده والولد لابس شورت وفانلة، وتقريبا هما الاتنين في نفس السن، وصغيرين بس شكلهم لطيف جدا، وكيوت كده شعرهم أسود وشبهنا كده.
وروت حورية فرغلي، بعض الأشياء الغريبة التي كانت تراها: في فترة من الفترات كنت بسمع وأنا في السرير صوت، كأن حد بيتنفس بصوت عالي في كذا يوم وأول يوم قولت بيتهيألي، وبعد كده قولت لا فتحت الشباك لقيت بومتين بيض واقفين عند الشباك، وأنا في الزمالك ومعرفش جم منين دول بس بقالهم فترة مش بييجوا.
حورية فرغلي تسكن شقة موسيقار الأجيال
وكشفت حورية فرغلي، في لقاء سابق مع i'ts show time، أنها تسكن فى شقة موسيقار الأجيال محمد عبد الوهاب في حي الزمالك.
وقالت حورية، إنها في البداية كانت تسكن في الدور الـ17 في نفس العمارة، وتعلم أن شقة محمد عبد الوهاب في الدور الـ 13 مغلقة، وعلمت من الأمن أنها معروضة للبيع، واتفقت على مقابلة المالك نجل الراحل، وبالفعل اشترتها وغيرت في ديكوراتها الكثير.
