السيسي: عملنا محلات تحت الكباري عشان الناس تأكل عيش ويكون المنظر مختلف
كشف الرئيس عبدالفتاح السيسي سبب إنشائه محلات تحت الكباري المعلقة، قائلا: عملنا تحت الكباري محلات علشان الناس تأكل عيش ويكون المنظر مختلف.
المنظر تحت الكباري بقا شكله مختلف
وأضاف الرئيس، خلال لقائه طلبة كلية الشرطة اليوم: أنا ليه عملت محلات تحت الكباري، عايز أزود المعروض، وبدل ما الكوبري تحت منه مش لطيف، بقا تحته محل لطيف، قعدنا حد فيه يبيع وبشتري وكمان بيأكل عيش والمنظر يبقى مختلف.
وقال الرئيس عبد الفتاح السيسي: إن حل مشكلة الباعة الجائلين في القاهرة يكمن في توفير محلات كثيرة جدا بأسعار مقبولة ومعقولة.
محدش يقول الأمن يتصرف
وأضاف الرئيس، خلال لقائه طلبة كلية الشرطة اليوم الخميس، قائلا: إحنا قدامنا خيار من اتنين، ناخدهم ونمشيهم بعيد، لكن الناس دي هتاكل منين، ومحدش يعمل كدا، ومحدش يقول الأمن يتصرف، ولكن إحنا نتصرف، أنا كمحافظ أتصرف، وذلك عن طريق إيجاد أماكن فاضية جوه المحافظة وأجهزها محلات بسعر مناسب.
وتابع الرئيس السيسي: الباعة الجائلين أهلنا.. ولازم نغير حياة الناس بفكر.. لحل المسألة لا بد من بذل جهد.
على جانب آخر، اشتكت طالبة بالكلية الحربية، تدعى إسراء، للرئيس عبد الفتاح السيسي، من الكثافة السكانية العالية التي تعاني منها بلدها المنصورة، مشيرة إلى أن الكثافة المرورية عالية جدا بمحافظة المنصورة.
وأضافت الطالبة، خلال لقاء الرئيس طلبة كلية الشرطة اليوم: بلدي المنصورة بها كثافة سكانية عالية، والضغوط المرورية زايدة جدا، ووقت خروج الموظفين بيكون الوضع لا يطاق في المنصورة، ومفيش أي شوارع جانبية أو تحويلات مرورية لذا الوضع بيكون مزدحم جدا.
