حميته خلف ظهري وأحد السكان دافع عنه.. شاهد عيان يكشف كواليس التعدي على فرد أمن كمبوند المعادي | تحقيقات
تصالح محمد. م، فرد الأمن بكمبوند المعادي، ضحية الاعتداء على يد أحد السكان المقيم بالمكبوند، أمام محكمة جنايات القاهرة عن القضية أمس الخميس، وأنكر في أقواله أمام المحكمة؛ استعراض القوة أو التلويح بالعنف من المتهم، وحجزت محكمة جنايات القاهرة، الحكم لجلسة 19 مايو مع استمرار حبس المتهم.
وكشفت تحقيقات واقعة التعدي على فرد أمن بكمبوند المعادي، أن المتهم تعدى على المجني عليه بالصفع على الوجه، بسبب سيارة بها أشخاص يريدون الدخول إلى الكمباوند، دون أن يوضح رقم العقار المحدد أو الشخص الذي سيتوجه إليه بالداخل؛ الأمر الذي رفضه المجني عليه، تنفيذًا للتعليمات من قبل شركة الأمن، لينهال عليه المتهم و. ع بالضرب بـ 12 صفعة، دون أي رد فعل منه.
وأوضحت التحقيقات، التي حصل القاهرة 24 على نسخة منها، أن المتهم تعدى بشكل بشع على المجني عليه، وصفعه على الوجه، بعد أن أخطره أحد العمال، أن المجني عليه سبّه بأمه المتوفية بمرض الكنسر.
واستمعت جهات التحقيق إلى أقوال أحد شهود العيان على واقعة التعدي على فرد الأمن كمبوند المعادي، وجاءت كالتالي:
س: ما هي معلوماتك بشأن الواقعة محل التحقيق ؟
ج: أنا كنت راجع امبارح للبيت، فلاحظت وجود أمين شرطة ولمة على البوابة رقم 5 بالكمبوند، فسألت فرد الأمن محمد مصطفى؛ قولتله في ايه؛ قالي إن العميد وليد، وأنا سألته في إيه: قالي في ناس كانت داخله لساكن، وأنا وقفتهم وراحو اشتكوني للساكن، وجه تعدى عليا بالضرب وسحلني في الأرض، فقولتله مين الساكن اللي ضربك، فشاورلي على العميد وليد، فقولتله كلم شركتك أو المشرف بتاعك يجي يحل المشكلة دي.
وتوجه المجني عليه إلى كشك الأمن، ووجدت العميد وليد قابله، وهو راجع على الكشك، وضربه بإیده 3 مرات على وشه، فركنت العربية بسرعة، وعقبال ما وصلت عندهم كان ضرب بايده على وشه 8 مرات تاني أو أکثر فروحت واتكلمت مع العميد وليد لقيته بيزعق، وبيقولي يرضيك فرد الأمن يشتمني بألفاظ خادشة، قلتله میرضنيش يتقال لك كده، ولا يرضيني انك تضرب فرد الأمن كده.
ثم أخبرني المتهم، أن المجني عليه -فرد الأمن- شتمه بأمه؛ قولتله يا بيه: إنت سمعت الشتيمة دي بنفسك، فقالي لا.. الناس اللي معايا هما اللي قالولي، ولاقيت الناس اللي معاه حاولوا يقربوا عليا علشان يمنعوني أدافع عن فرد الأمن، ثم وضعت محمد في ظهري علشان أحميه، وساكن في الكمبوند جه عشان يحوش معايا، وبعد كدا جه مشرف الأمن.. راح العميد وليد؛ قاله: أنا اتشتم بأمي.. لازم الواد ده يترفد، رد عليه مشرف الأمن وقاله أحنا هناخده على الشركة، ونحقق معاه يافندم، وأنا قولت للمجني عليه يعمل محضر، وأنا هشهد معاه في المحضر.
س: متى وأين حدث ذلك ؟
ج: الكلام ده حصل يوم الخميس 28 أبريل 2022 حوالي الساعه 10 مسائيا أمام بوابه 5.
س: ما هو سبب ومناسبة تواجدك بالمكان والزمان آنفي البيان؟
ج: أنا كنت راجع البيت
س: من كان رفقتك آنذاك؟
ج: أنا كنت راجع لوحدي
س: ما هي الحالة التي شاهدت عليها المجني عليه فرد الأمن لأول وهلة تحديدا؟
ج: لما وصلت لقيت فرد الأمن محمد واقف على البوابة، وجنبه أمين شرطة، فسألت محمد إيه إللي حصل، فقالي إن العميد وليد عبدالعال عبداللطيف؛ تعدى عليه بالضرب وسحله على الأرض، وبعدين محمد لما رجع كشك الأمن بتاع خدمته؛ جيه العميد وليد عبدالعال وضربه تاني قدامي على وشه بإيديه وقعد يشتمه.
س: من وما هي الحالة التي شاهدت عليها المتهم وليد عبد العال للوهلة الأولى؟
ج: كان واقف وكان معاه 4 أشخاص، ولما محمد مصطفى؛ رجع كشك الأمن بتاع خدمته؛ تعدى عليه العميد وليد بالضرب بيده على وشه أكثر من مره وشتمه.
