مرتضى منصور لـ ميدو: الخمرة لعبت بدماغك وكل مرة تعيط.. وردي هايبقى بالحذاء
رد المستشار مرتضى منصور، رئيس مجلس إدارة نادي الزمالك، على أحمد حسام ميدو، لاعب الفريق السابق، بعدما أبدى الأخير غضبه من نقل مباريات الفريق من استاد القاهرة إلى الدفاع الجوي.
وقال مرتضى منصور، خلال فيديو عبر صفحته الشخصية بموقع التواصل الاجتماعي: في ناس قالولي رد على الولد السكران قليل الأدب.. أنا ردي هايبقى بالحذاء، كل مرة يعيط ويقول أنا غلطان.. بس المرادي ها يتحاسب حساب عسير.
وأضاف رئيس الزمالك: فرج عامر قالي الواد ده كان سكران، واقتحم علينا المكان في الجونة، وباس الخطيب وقاله شرف ليا أتصور معاك.. إللي بيقول أنا بقحم النادي في القضايا، بقوله لا.. القضية دي من أيام نادي القرن وليس شخصية.
وأوضح مرتضى: عيل لعب سنتين في النادي عامل نفسه رمز.. وبيلبس لبس لا مؤخذة بتوع لامؤخذة.. اصبر عليا بس، ورحمة أمي لا كل غلطة غلطتها تتحاسب عليها، بسبب الخمرة اللي بتلعب بدماغك دي.
السحر معمول من العتال وزادة وعباس
وتابع رئيس الزمالك تصريحاته: السحر مذكور في القرأن ومعمولنا من هاني العتال وعباس وبقولها علني.. اللاعيبه قالت احنا بندخل الملعب مغلوبين قبل ما نلعب، وشوف الهجمات والكرات اللي في العارضة.
واستكمل: الأهلي طلب نقل مبارياته بسبب السحر من قبل ومحدش اتكلم.. لكن احنا الكل بيتريق علينا، كمان الأهلي طلب ما يلعبش الماتش بتاع الوداد في المغرب.. عاوزين حاجه أكثر من كدا.
واختتم مرتضى منصور، قائلا: ميدو شاب لطيف من أوروبا، والجميع يعلم ذلك وبشهادة محمود الخطيب، ولكن أنت لازم تتحاسب يا ميدو وهاتتحاسب وهربيك.
