فادية عبد الغني تكشف رأيها في إلغاء قائمة المنقولات الزوجية
كشفت الفنانة فادية عبد الغني رأيها حول فكرة إلغاء قائمة المنقولات التي يتم كتابتها عند توقيع عقد القران بين العروسين، والتي أثارت جدلًا واسعًا مؤخرًا.
وقالت فادية عبد الغني خلال لقاء تلفزيوني لها: اللي بيدي بنته لراجل عارف إنها أغلى حاجة في حياته من غير ولا قايمة ولا الكلام ده، ولا في حاجة في الدنيا تسوى ولكن هو شرعًا كل ما في البيت حق الزوجة من غير قائمة، ولو في واحدة هتتجوز واحد وشاكة فيه بلاها الجوازة لكن هو تقليد الناس عرفته كنوع من التأمين من البنت والزوجة وفي ناس كتير دون المستوى، بيعملوا مشاكل زي أن واحد يتجوز واحدة وياخد العفش ويبيعه علشان كده القائمة مجرد ضمان للحق علشان الحاجات الشاذة اللي زي دي.
من ناحية أخرى، تحدثت فادية عبد الغني عن الشائعات التي أزعجتها ومنها حلاقة شعر ابنتها وفرض الحجاب عليها، قائلة: اتقال إني فرضت عليها الحجاب وحلقت لها شعرها علشان أمنعها من التمثيل، الناس دي بتعمل كده عشان تكسب من الكلام الفاضي والشائعات اللي ملهاش لازمة.
كما تحدثت عن شائعة وفاتها إذ قالت: طلعت عليا شائعة إني مت من ناس محترمة، وعملوا ليا صوان وصوروا الفنانين اللي بيعزوا وأنا في بيتي كافية غيري شري بعديها بالصدفة تعبت وجالي كورونا وزعلت جدًا.
