رامي جمال عن سبب ابتعاد زوجته عن الغناء: اختارت تكون في بيتي
كشف الفنان رامي جمال، سبب ابتعاد زوجته عن الغناء، مشيرًا إلى أن بداية تعارفهما عندما ذهبت إليه ناريمان لـ تسجيل الأغاني، ونشأ بينهم قصة حب تكللت بالزواج.
صعب جدًا بالنسبة ليا إن إحنا الاتنين نبقى مشهورين
وقال رامي جمال، عن سر ابتعاد زوجته عن الغناء، خلال حوراه في برنامج سهرانين، الذي يقدمه الفنان أمير كرارة، عبر فناة ON: إحنا كان فيه اتفاق صريح جدًا بيننا من الأول، أنا قُلتلها من حقك تغني ده قرارك، بس أنا صعب جدًا بالنسبة ليا إن إحنا الاتنين نبقى مشهورين، مين هيخلي باله على اللي في البيت؟، قُلت لها شوفي باب القبول في الأغاني اللي نزلتيها لو نجحت هيفضل فيه معزة بيننا بس مش هينفع نكمل، ولو اختارتي إنك تبقي في بيتي عرفيني، وهي اختارت وقالتلي أنا موافقة أبقى في البيت.
وأضاف: أنا دلوقتي شايف إني ممكن أعمل لها تراك من وقت للتاني، من باب الهواية متتكتمش، لأن صعب جدًا إن ربنا يكون مدينا هدية ومش عند ناس كتير وأنا أقول مش هتستخدمها، ودايمًا باخد رأيها في الألحان.
رامي جمال
ومن ناحية أخرى، فوجئ الجمهور خلال الأيام الماضية بخبر طلاق ناريمان ورامي جمال بعد قصة حب وزواج دام لعدة سنوات، إذ كتبت ناريمان عبر حسابها على انستجرام: تم الطلاق بيني وبين رامي.. أتمنى له كل الخير وأتمنى يكون سعيد في حياته الجديدة، وبتمنى لنفسي كمان الخير والسعادة.. ولم يعلق رامي جمال حينها.
وأعلن رامي جمال، عودته لزوجته ناريمان، وذلك بعد مرور 24 ساعة فقط على انفصالهما، ونشرت ناريمان عدد من مقاطع الفيديو عبر خاصية استوري على انستجرام، وظهر رامي جمال، يقول خلالها: علاقتنا ربنا مبارك فيها والناس كلها زعلانة إننا زعلنا من بعض.
وأضاف رامي جمال: بقول لـ ناريمان وبقول لكم إنها حبيبتي وعادي نزعل وننفعل ودعواتكم؛ لأني لقيت إن أبغض الحلال عند الله الطلاق وأنا مبحبش أعمل حاجة بغيضة.
