شيرين عبد الوهاب: كنت هربانة خوفًا من الشماتة.. ولما حلقت شعري حسيت إني غسلت نفسي
كشفت الفنانة شيرين عبد الوهاب سر ابتعادها الفترة الماضية عن الأضواء وسبب تكتمها على خلافها مع طليقها حسام حبيب، بجانب الحديث عن لحظة تخليها عن شعرها.
وقالت شيرين عبد الوهاب خلال لقائها مع الإعلامية إسعاد يونس في برنامج صاحبة السعادة: أنا كنت هربانة خوفًا من الشماتة، لأن صحابي حذروني من قراراتي وبقيت أعاقب في نفسي ومش عايزة أظهر للناس عشان خايفة يقولوا لي حاجة تضايقني.
شيرين عبد الوهاب
وأضافت شيرين عبد الوهاب: لما بدأت أتكلم لقيت كل صحابي رجعوا تاني الحمدلله ووقفوا جنبي، وأنا بلوم نفسي كتير ولما حلقت شعري حسيت إني غسلت نفسي.. ودلوقتي أنا أتولدت من جديد وبقيت مش باخد أي أدوية زي زمان.
صلح شيرين عبد الوهاب وعمرو دياب
وسبق وتطرقت شيرين عبد الوهاب للحديث عن مبادرتها للتصالح مع عمرو دياب، قائلة: أنا صالحت عمرو دياب لأني بحترمه وأتربيت على صوته وأتعلمت منه الغناء هو وإيهاب توفيق، ومقصدش أي إساءة ومحدش يعاتبني على كلام قولته في حفلة خاصة وكنت بهزر.. وأنا دلوقتي رجعت لـ صحابي بنفسية جديدة.
كما أشارت شيرين عبد الوهاب إلى أن مشاركتها في ختام مهرجان قرطاج في تونس لم يكن مخطط له، قائلة: مكنتش هشارك في المهرجان ولكن السفير المصري في تونس كلمني واتحرجت أقول له لأ، وربنا منحني القدرة إني أقف على رجلي وأغني ساعة ونص على المسرح على الرغم إني كنت تعبانة نفسيا وصحيا.
