أنا مش ضد عمليات التجميل ومبكرهش الرجالة.. أبرز تصريحات سلوى خطاب التلفزيونية
حلت الفنانة سلوى خطاب، ضيفة على أحد البرامج التلفزيونية، وتحدثت عن تفاصيل مشوارها الفني بداية من دخولها معهد الفنون المسرحية، وحياتها الشخصية.
ويعرض لكم القاهرة 24 أبرز تصريحات سلوى خطاب التلفزيونية:-
- جدتي قالتلي حد يسيب كلية التجارة ويروح معهد الرقاصين؟ هي بالنسبة لها مش فاهمة إن فيه معهد فني.
- أنا بخاف من عمليات التجميل ومش مستوعبة الموضوع، وبحب أحافظ ولكن لو احتجت عملية تجميل هعملها.
- بلاقي ممثلات ومطربات بقوا صغيرين أوي مش عارفة إزاي، وأنا مبسوطة ليهم، وأنا مش ضد عمليات التجميل، والمهم إنه ميكونش هوس.
- لو عملت عملية تجاعيد ماشي ده الزمن هنروح منه فين، طب عملنا وشنا لكن النفسية هنعمل فيها إيه؟.
- أنا ناسية تاريخ ميلادي.
- سألت هند رستم، عن سر رشاقتها، قالتلي إننا كنا بنلعب رياضة وبناخد تدريبات رقص، وبنحرم نفسنا من الأكل، أنا مكلتش رز إلا بعد ما اعتزلت.
- أنا دفعت ثمن جوازي وكنت حريصة أبقى زوجة كويسة بغض النظر عن تعبي في مهنتي.
- أنا مقتنعة أن مينفعش ندلع الراجل زيادة عن اللزوم ومفيش حاجة اسمها الراجل لازم يوري مراته العين الحمرا لأننا بني آدمين.
- أنا مش بكره الرجالة ويمكن الستات طلعوا عليا كدا عشان يوقفوا سوقي ولا يمكن يكون فيه عداء بيني وبين الراجل لأن الراجل بالنسبة لي زي الست وبعامل بني آدمين.
- الست المصرية أكتر ست على مستوى الوطن العربي شايلة مهام كتير فوق طاقتها.
- المجتمع ده لو خلفت فيه هتعب، أنا مش فاهمة يعني إيه تربية حديثة وعيال يقرفوني.
- الست كل صفاتها حلوة، والست المصرية حنونة وبتاخد بالها من ولادها وبتتفانى وكلمة صغيرة تخليها طايرة من السعادة.
- الراجل الذكي هو اللي يعرف يسعد الست اللي معاه عشان هو يتسعد.
- الراجل لو كلم الست في وسط النهار وقالها وحشتيني هتعيش عليها شهر مبسوطة، ولما بيبدأ الراجل بالكلام بتبقى حلوة لأن الست خجولة ده لو لسه فيه ست خجولة يعني.
