فريق واما: في بدايتنا كنا بنعمل ألحان وعايزين نبيعها.. ومكناش قاصدين نغني
تحدث أعضاء فريق واما الغنائي عن بدياتهم الفنية في عالم الموسيقى، وكيفية دخولهم مجال الغناء وما كان يريده كلا منهم في البداية قبل تكوين الفريق.
بدايات فريق واما
وقال الفنان محمد نور، عن فريق واما خلال لقائه مع الفنانة أنغام في برنامجها على قناة dmc: في الأول عملنا ألحان نبيعها لمطربين أنا وأحمد فهمي ومعرفناش نعمل حاجة فقولنا نغنيها إحنا ومن هنا جت فكرة الغناء أحمد فهمي يغني حاجة وأنا التانية ونادر حمدي وقتها كان حلمه يبقى عازف لكن وقتها خليناه يوزعلنا الأغاني واشترى أورج وقتها بـ 7 آلاف جنيه وبدأنا نغني واكتشفنا أن أصواتنا كلها متكاملة.
وأضاف الفنان نادر حمدي أحد أعضاء فريق واما: ومكناش قاصدين نغني بالطريقة دي ولكننا كنا عايزين نعمل حاجة مختلفة.
آخر أعمال فريق واما
يذكر أن من آخر الأغاني التي قدمها فريق واما الغنائي أغنية مش حلوة بس وطرحها الفريق على موقع يوتيوب منذ حوالي 3 شهور وحققت الأغنية نجاحا كبيرا عقب طرحها حيث تخطى عدد مشاهداتها الربع مليون مشاهد والأغنية من كلمات وألحان عزيز الشافعي، توزيع ومكساج وماستر توما.
وتقول كلماتها:
القوام أوام ياخدك في ثانية
والعيون جنون في حته تانية
مستحيل تشيل عينك من عليها
أنت جيت خلاص سلّم نفسك ليها
القوام غزال بس بغزالة
طب إيه العمل ؟ في أمل ؟ ولا استحالة
مستحيل قتيل هموت عليها
أنت جيت خلاص سلّم نفسك ليها
مش حلوه بس
دي حلوه اوي اوي
استنوا بس أشوف دخلتها منين
القلب حَس بحاجات جميلة اوي
مش ناقص بس غير أقول الكلمتين.
