أمل رزق: لما اتجوزت إسماعيل كتكت قالوا عيلة وهتستغله.. لكن أنا مخلتوش ينتج لي
تحدثت الفنانة أمل رزق، عن زوجها السابق المنتج الراحل إسماعيل كتكت، مؤكدة أنها كانت تحبه على المستوى الشخصي قبل تقدمه لزواجها.
وقالت في تصريحات تليفزيونية: كان متقدملي عريس مسافر أمريكا، ووافقت على الزواج من إسماعيل كتكت، بلا نقاش لأني كنت بحبه جدًا مع إن كان فرق السن بينا كبير.
وأضافت، إنه بعد زواجها منه طالتها العديد من الشائعات بأنها تستغله، قائلة: لما اتجوزت المنتج إسماعيل كتكت، كنت بسمع الناس في الأوضة اللي جنبي في البلاتوه، بيقولوا عيلة صغيرة وضحكت عليه وبكرا هيعملها وجايب لها معالق ألماظ في البيت، وده مكنش له أي أساس من الصحة وما خلتهوش يعملي بطولات ومكنتش هقبل، وهو مكنش عايز ينتج ليا من الأساس.
وأوضحت: إسماعيل كتكت، مكنش عايز ينتج ليا وقالي لأ يا بابا إحنا نمشي خطوة بخطوة وكل حاجة بأوانها، ولكن بعد فترة كنت بلمح له، إنه ينتج ليا وسألني إيه اللي اتغير فيا لأن كبريائي كان بيمنعني أسأله.
أمل رزق
كما تحدثت الفنانة أمل رزق، عن زوجها الحالي، والتي تزوجته بعد وفاة المنتج إسماعيل كتكت بـ 3 سنوات، قائلة: "قررت أتجوز لأن ما ينفعش أكون لوحدي، وأنا عندي 3 بنات، وهو قدر، وربنا بعتهولي كل حاجة فيه كويسة وهو إنسان محترم ومن عائلة كبيرة جدًا، وبيحب بناتي جدًا، وما يتخيرش عن إسماعيل -الله يرحمه- وعايز يكرمني.
