عفاف شعيب: مش زعلانة إني اتحرمت من الأمومة لأني بتبنى أطفال.. وتعلقي بالحجاب بسبب هالة فؤاد
كشفت الفنانة عفاف شعيب، تفاصل اعتزالها الفن وارتدائها الحجاب، بجانب الحديث عن عدم إنجابها الأطفال، مؤكدة إنها تتبنى العديد من الأطفال الأيتام.
وقالت عفاف شعيب، في حوارها مع الإعلامي عمرو الليثي، في برنامجه واحد من الناس، عن اعتزالها وارتدائها الحجاب: حسيت إن أنا فيه حاجة معينة أنا عايزاها إيه هي مش عارفة، وفي مرة هالة فؤاد الله يرحمها قالتلي تعالي احضري معانا مجلس علم واسمعي كلام ربنا وإنتي جواكي خير، وجت خدتني وحضرت.
وتابعت: مرة تانية لقيت هناء ثروت، بتكلمني قالت يا عفاف أنا متوسمة فيكي خير إنتي جميلة من جوا ولما بحضنك بحس إني بشم مسك، وتعالي احضري معانا مجلس علم، وحضرت مجلسين ورا بعض، وتأثرت جدًا وبقيت بعيط لدرجة إن عنيا كانوا زي كاسات الدم من كتر العياط.
وأضافت: وكان فيه واحدة محامية بس فقيهة في الدين، أول ما شافتني قعدت تقول النار والجنة وهنتعذب وعذاب القبر، أنا خوفت واترعبت بجد، حتى قُلت لـ هناء، هي مالها داست على الزرار وأتكت أوي أول ما شافتني في اللي بتقوله ده، طلع هو دا أسلوبها وناس كتير اتحجبوا على إيديها.
عفاف شعيب
وتطرقت الفنان عفاف شعيب، خلال حوارها مع الإعلامي عمرو الليثي، عن عدم إنجابها الأطفال، قائلة: أنا مش زعلانة إني اتحرمت من الأمومة، وربنا عوضني بـ أولاد أخويا وإخواتي، كنت الأول في الحقيقة لقيت الدنيا خدتني أوي والسفر، وقُلت لـ نفسي طيب وبعدين، الظروف المحيطة بيا في الشغل خلتني مكنش عندي وقت، وكنت حابة أبقى متواجدة وناجحة ومشهورة، ولكن دلوقتي مبتفرقش معايا.
وأردفت: ربنا المعوض المخلف، ولقيت نفسي بتجر مع الأيتام والمعاقين والمكفوفين، فحسيت إن عندي إمبراطورية من الأولاد، والأول تبينت أطفال ولما كبروا لأ، ولكن دلوقتي بساعد ولكن مش بتبنى.
