نهى العمروسي: عندي 60 سنة.. وهتجوز لو واحد جالي على حصان أبيض بجناح
كشفت الفنانة نهى العمروسي عن إمكانية زواجها مرة أخرى، مؤكدة أنها تعيش حياتها بحرية دون زواج، بجانب الحديث عن سبب ابتعادها عن التمثيل.
وقالت نهى العمروسي لـ القاهرة 24: أنا ملكة زماني وهتم 60 سنة مش قطة صغيرة وأنا حياتي مملية ومش محتاجة أتجوز إلا لو جالي راجل على حصان أبيض بـ جناحات يمكن ساعتها أفكر ولكن أنا معنديش مواصفات لـ فتى أحلامي.
وواصلت نهى العمروسي: وأنا مبحبش أبقى مذلولة ولا حد يضايقني وبحب الوحدة وبقضي وقتي مع نفسي وعندي صحابي وحياتي وحرية كاملة وربنا شفاني من مرض السوشيال ميديا وبقيت أقضي وقتي في حاجات مفيدة وأتابع حياتي فقط على عكس الناس بيكونوا باصين 24 ساعة في شاشة الموبايل.
كما وجهت نهى العمروسي نصيحة للنساء، قائلة: بقول لكل ست لازم تعرفي قيمة نفسك وأنك رائعة ومتهتمش بالانتقادات.
ومن ناحية أخرى، سبق وكشفت نهى العمروسي عن إمكانية اعتزالها الفن وسبب ابتعادها الفترة الماضية عن التمثيل، وقالت في تصريح سابق لـ القاهرة 24: أنا عمري ما اعتزلت الفن بالعكس، وبفرح لما جمهوري من البنات يشوفوني في الشارع ويحضنوني ويقولوا لي بنحبك ووحشتينا، وأنا الفن في دمي واتولدت بيه وممكن أموت قدام الكاميرا، ومنتظرة عمل قوي أقدمه.
آخر أعمال نهى العمروسي
وعلى جانب آخر، قدمت نهى العمروسي العديد من الأعمال الفنية التي حققت نجاحا كبيرا، من بينهم مسلسل الخانكة مع غادة عبد الرازق.
