واضح أنها كانت محبوسة.. الفنانة وئام مجدي تستغيث لإنقاذ قطة بعد تعذيبها
نشرت الفنانة الشابة وئام مجدي، مقطع فيديو عبر موقع التواصل الاجتماعي فيسبوك، تستغيث فيه بمؤسسات الرفق بالحيوان وفرق الإنقاذ، وذلك بعد مشاهدتها لقطة مخنوقة بسلك حول الرقبة.
وئام مجدي تروي تفاصل تعذيب قطة
وأشارت وئام مجدي لـ القاهرة 24، إلى أنها رأت تلك القطة أثناء اصطحابها لـ الكلبة الخاصة بها، صباح اليوم الجمعة في منطقة الرحاب، قائلة أنا كنت نازلة أمشي كلبتي وفجأة لقيت قطة بتأكل بطريقة غريبة جدًا، ولما قربت عليها لقيتها مربوطة بسلك، ولما قربت منها كانت هتاكلني بسبب إنها مرعوبة مني بعد اللي أتعمل فيها، وخاصة إنها متعورة.
وأضافت وئام: أنا طلعت لأنها كانت خايفة من الكلبة، ونزلت تاني وحاولت أحط لها لبن وعيش عشان تاكل، لكنها جريت مني، أنا محتاجة منكم دلوقتي تكتبولي عن فرق الإنقاذ عشان لو لقوها نقدر ننقذها، أو لو اتعرضت لموقف زي ده تاني أعرف اتصرف، لإن أنا متأكدة إن القطة دي هتموت النهاردة.
وأكدت الفنانة وئام مجدي، أنا ما زلت أبحث عن القطة، وتواصلت مع أكثر من مؤسسة خاصة بالرفق بالحيوان والإنقاذ، ومستنية إني ألاقيها عشان أبلغهم، مضيفة: وفي واحدة تواصلت معايا عندها شلتر ومستعدة إنها تنقذ القطة وتعرضها على دكتور.
واستكملت وئام مجدي: أتمنى أن يكون في عقوبة حقيقية تخوف الناس شوية، لإن حقيقي القطة أنا متأكدة إنها هتموت، وأنا مقدرتش أعمل حاجة من كتر ما هي مرعوبة وبتجري.. حرام بجد ده كفر، وواضح أنها كانت محبوسة لأنها كانت بتاكل بطريقة إنها مشفتش أكل كدا حرام يعني.
