دعاء فاروق عن المُساكنة: زنا ويقلل من حقوق المرأة.. إحنا كده ممكن نغير اسم بيوت الدعارة لـ بيوت السعادة
كشفت الإعلامية دعاء فاروق، رأيها في فكرة المُساكنة بين الرجل والمرأة قبل الزواج، مؤكدة أن هذا الأمر زنا ويقلل من حقوق المرأة، وهذا يخالف عاداتنا وتقاليدنا الاجتماعية.
وشاركت دعاء فاروق، متابعيها بمقطع فيديو،عبر حسابها الشخصي بموقع إنستجرام، تتحدث من خلاله عن موضوع المُساكنة قبل الزواج، قائلة: إزاى يناقش موضوع المُساكنة، لا وبنجيب الشباب والبنات في مصر ونسألهم عن المساكنة.. تحب تعمل مساكنة ولا لأ.
دعاء فاروق: أنتوا إزاي بتناقشوا موضوع الزنا
تابعت دعاء فاروق: يعني أنت بتجيب بنتك وتسألها تحبي تزني، أنتوا إزاي بتناقشوا موضوع الزنا، ملناش دعوة في اتنين عملوا كده في مكان لا يناسب عاداتنا وتقاليدنا ولا حياتنا.
أضافت دعاء فاروق: بعدين ألاقي بنت تتسأل عن المساكنة فتقول لو مش حرام آه هعمل المساكنة، غيري كلمة المساكنة وبدليها بزنا.. حضرتك تحبي تزني قبل الزواج، والبنات تقول آه لو مش حرام، يعني إحنا ممكن الصبح نغير اسم بيوت الدعارة بـ بيوت السعادة وننزل نسأل الطلاب تحب تروح بيت السعادة ويقولوا آه.
تعليق دعاء فاروق على أزمة منتصف العمر
وفي وقت سابق، علقت دعاء فاروق على أحداث مسلسل أزمة منتصف العمر، بطولة الفنان كريم فهمي، والذي أثار جدلا واسعا منذ عرض أولى حلقاته نظرًا لجرأة الموضوع الذي تناوله.
وقالت دعاء فاروق في منشور لها على صفحتها الشخصية بـ فيس بوك: طيب يا جماعة حد مستني النهاية في سواد منتصف المستنقع اللي بنتابعه، أنا بالنسبة لي وبالأصالة عن نفسي كده جاب الناهية خلاص فاضل 3 حلقات أو حتى 10 دي كلها شكليات، المسلسل خلص والستاير السودا نزلت.
تابعت دعاء فاروق: طبيعي الناس ترفض التصرفات غير المبررة، وترفض الزنا غير المبرر بين فيروز وعمر وأي محاولات تبرير، أو تعاطف من عينة أصلها مش أمها، أصله طلقها، ده نقوله عند الدكتور النفسي، بقي لو ظبطنا نفسنا بنقول كده لأننا هنبقي عاوزين حاجة مش طبيعية تحصل الطبيعي أن الناس ترفض محاولات النصب لزياد، وترفض ضربه لمراته وترفض تصرفات عزت مع فيروز.
