أشرف زكي: حصلت على جائزة الدولة التقديرية بعد رحلتي في العطاء.. ومصوتش لنفسي
حل الدكتور أشرف زكي نقيب المهن التمثيلية، ضيفًا على برنامج معكم الذي تقدمه الإعلامية منى الشاذلي على شاشة سي بي سي.
أشرف زكي يحصل على جائزة الدولة التقديرية
وأعرب أشرف زكي عن سعادته بعد حصوله على جائزة الدولة التقديرية، قائلًا: لازم يجي الترشيح من مؤسسات ينفع ترشحني، جامعة القاهرة رشحتني للحصول على جائزة الدولة التقديرية، ولما أسماء المرشحين جتلنا كنت بخرج بره وامتنعت عن التصويت ومصوتش لنفسي، وأثناء الاختيار أنا مكلمتش حد، وبعد ما خلصوا تصويت بعتولنا، وأول ما دخلت سقفولي على إني خدت الجائزة، وزمايلي كلهم كانوا بيدعموني وبيقولولي بالتوفيق وكانت البشاير مبشرة.
وأردف أشرف زكي: روجينا كانت عارفة إني مرشح لجائزة بس مش فاهمة، ولما خدت الجائزة أنا معرفتهاش ونسيت أقولها، أنا باخذ جائزتي على رحلتي الطويلة من العطاء، لترد عليه منى الشاذلي قائلة: هتجيب لروجينا إيه، ليرد النقيب ممازحًا: هجبلها كتاب.
وأضاف الدكتور أشرف زكي: الحمد لله قدرنا نوثق شهادة المعهد العالي للفنون المسرحية في المجلس الأعلى للجامعات بفضل الله، ودي كانت من أصعب المهمات اللي عملتها، وكمان عملت جدار أكاديمية الفنون لإننا كنا في مكان صعب جدا، ودلوقتي المنطقة بقت منارة بس السور حولناه مكتبات ومنافذ لبيع الأدوات اللي بيستخدمها الطلاب.
