نهى العمروسي: بناة الأهرامات مش المصريين القدماء.. واللي مسيطرين على الكوكب خدعونا بقصة مقبرة خوفو
أثارت الفنانة نهى العمروسي الجدل بعد حديثها عن القدماء المصريين، موضحة أنهم ليسوا بناة الأهرامات والأهرامات ليست مقابر لملوك مصر في العصر الفرعوني على حد قولها.
وكتبت نهى العمروسي عبر حسابها الشخصي بموقع فيس بوك: بناة الأهرامات مش المصريين القدماء، أنا عارفة أنتوا هتجزوا على سنانكم مني بس مش مهم، أنا باحثة عن الحقيقة، والحقيقة بتقول إن أجدادنا مش هم اللي بنوا الأهرامات، والأهرامات مش مقابر أصلًا، دي حكاية فوق خيالكم، بس اللي مسيطرين على الكوكب وعاملين لنا تنويم مغناطيسي ومغيبين عقولنا خدعونا بقصة مقبرة خوفو دي، يلا إشتموني بسرعة وطلعوني جاهلة.
وأضاف نهى العمروسي: طيب ابحثوا عن الألواح السومرية وبالذات اللوح الـ 11 اللي Enki كاتب فيه تفاصيل عن بناء الأهرامات، الألواح دي كانت مدفونة تحت الطين من آلاف السنين ولقوها في العراق.
وأكملت نهى العمروسي: أظن دي آثار وعلماء الآثار أثبتوا إنها أثرية مش حديثة، يعني الواد حمؤة اللي واقف على الناصية كتبها ودفسها في الطين عشان عايز يطلع ترند زي ما بتقولوا عليا بالظبط.. Enki هو بتاح.
نهى العمروسي: أنا بختم القرآن.. ومفيش حاجة اسمها مفيش عذاب قبر
ومن جهة أخرى، سبق وأثارت الفنانة نهى العمروسي الجدل بتصريحها الأخير الذي نفت فيه عدم وجود عذاب في القبر، وهو ما عرضها لهجوم من قِبل الجمهور.
وقالت العمروسي في تصريحاتها لـ القاهرة 24: أنا بختم القرآن كل رمضان، ومش بتفرج على المسلسلات ومش بمشي ورا كلام الشيوخ، وعاوزة واحد فيهم يقول لي أنهي آية اللي فيها عذاب قبر.. يمكن أنا غلطانة، وينتقدوا براحتهم لكن الواحد لما يرد يرد بدليل.
