أبرز تصريحات وفاء عامر في الستات: أنا بعمل كل حاجة لجوزي.. واتعلمت علشانه الطاولة والدومينو
حلت الفنانة وفاء عامر ضيفة على برنامج الستات، عبر قناة سي بي سي، وتحدثت عن العديد من الأمور منها صعوبات مهنة التمثيل وعن علاقتها بزوجها.
وجاءت أبرز تصريحات وفاء عامر كالآتي: -
-صعب راجل يتجوزني ويبص بره، ولو الراجل بص بره أو اتجوز على مراته يبقى الغلط عندها.
-في الأول كنت بغير على جوزي جدًا وهو واثق فيا ومش بيغير.
- أنا بعمل كل حاجة لجوزي واتعلمت علشانه الطاولة والدومينو.
-الأقرب لوفاء شخصية هلالة في جزيرة غمام هي المرأة القوية التي لا يقهرها كلمة من أحد دوني.
-التمثيل ممرض ومتعب وبيهد الحيل، ولو الواحد بيروح لدكتور نفساني علشان موضوع مضايقه المفروض نروح كممثلين كل ربع ساعة لدكتور.
-كونوا رفقاء بينا لأن ساعات الجمهور بيكون قاسي وأنا بحب الشغلانة دي وبحترمها.
-قلة قليلة غير مسؤولة بتأذي الفنان نفسيًا علشان تهده في معنوياته.
-أنا أبان أني طيبة لكن أنا قوية وما بنكسرش غير لربنا لأني واثقة في نفسي وفي ربي قبل نفسي.
-قبل كل عمل بكون عارفة أن وراه هدف بيصحح من وضع أو يحسس البني آدمين أننا بنعمل العمل ده فداكوا أو لأننا حاسين بمعانتكم.
- البهدلة والمرمطة والشقى والتعب بيعملوا بني آدم، لكن في ناس عاوزة تبدأ من حيث انتهى الآخرين.
في ناس في عز الشتا متغطية، وإحنا تحت المطر وفي ناس لابسة تقيل وإحنا لابسين صيف علشان المشهد عاوز كده فاحنا بنشقى في شغلانة الفن.
