أزهري: من حق الزوجة على زوجها إنه يدلعها ويعيشها في جو رومانسي
قال أحمد الصباغ أحد العلماء بالأزهر الشريف، إن من حق الزوجة على زوجها تدليلها.
جاء هذا في رده على اتصال هاتفي من إحدى المتابعات خلال برنامج تلفزيوني تقول: أنا معايا ثلاث أولاد وجوزي معاملته صعبة وجافة معايا ومع أولاده وأنا بقالي 24 سنه معاه ومش قادرة استحمل، بالرغم من لإنه ملتزم وبيصرف علينا ومش مقصر معانا في حاجة ولكن جوزى مش بيقول كلمة حلوة فى البيت ولم يقف جوارى في الشدة.
الشرع أمر الزوج بقول الكلمة الطيبة
وقال: من حق الزوجة على زوجها إنه يدلعها، وهذا الشرع الخاص بنا، ومن حق الزوجة على زوجها أنه يعيشها في جو رومانسي، وده حقها خاصة في ظل الظروف اللي كلها فتن، وشبهات، وشهوات.
وتابع الصباغ: قولها كلمة حلوة حتى لو من ورا قلبك لوجه الله سبحانه وتعالى، سمعها كلمة جميلة، والسائلة قالت لجوزها اهتم بيا، ففعلًا لو مهتمتش بزوجتك هتهتم بمين؟
وواصل الصباغ: ولكن طالما هو محترم وراجل مش خاين فربنا يهدي الحال بينكم، وعمر ما فيه بنت هتلاقي زوج كامل، ولا راجل هيلاقي زوجة كاملة، وفي ست تتحمل وست متتحملش.
