منى فاروق تتنازل عن محضر ضد رجل أعمال اتهمته بسبها وقذفها بالشيخ زايد: مش عايزة أضُره
كلفت الفنانة منى فاروق، المحامي الخاص بها بالتنازل عن المحضر المحرر ضد رجل الأعمال أ. ع.أ، والذي اتهمته بمحاولة التعدي عليه وسبها وقذفها في الطريق العام بمنطقة بالشيخ زايد، بعد جلسة تصالح.
مني فاروق تتنازل عن المحضر
وأكدت فاروق في تصريحات خاصة لـ القاهرة 24، أنها تصالحت مع رجل الأعمال بعد تدخل بعض الأشخاص وطلبت منها التصالح مع الشاب، مضيفة: المسامح كريم وعفا الله عما سلف، وأنا خلاص مش عايزة أضره في حاجة.
وكانت حررت الفنانة منى فاروق محضرا ضد شاب، لتعديه عليها بالسب والقذف في الطريق العام بمدينة الشيخ زايد بالجيزة.
البداية كانت بتلقي الأجهزة الأمنية بمديرية أمن الجيزة، بلاغا من الفنانة مني فاروق تتهم فيه شابا لقيامه بمحاولة استيقافها والتحدث معها داخل مول شهير بمدينة الشيخ زايد وبسبب رفضها التحدث إليه، سار خلفها بسيارته عقب خروجها من المول وتعدى عليها لفظيا بالسب والقذف، وتم تحرير محضر بالواقعة وتولت النيابة التحقيقات.
وفي وقت سابق، كشفت الفنانة منى فاروق تفاصيل وأسباب اعتزالها مجال التمثيل، مشيرةً إلى أنها وصلت لمرحلة لم تستطع خلالها دفع إيجار منزلها، مطالبةً الدكتور أشرف زكي نقيب المهن التمثيلية والفنان أشرف عبد الباقي وشركات الإنتاج، مساندتها في تلك المحنة وترشيحها في أعمال فنية.
وكتبت منى فاروق عبر حسابها على انستجرام: مساء الخير الكلام اللي بقوله ده خارج خالص عن فكرة إني أخد الترند واعمل زي أي حد أنا قولت اعتزال الفن لسبب واحد هو بس هو ده مصدر رزق الوحيد اللي أنا بحبه وعاوزة اشتغله، لكن لما أوصل لمرحلة إني مش عارفة أدفع إيجار بيتي حاجة تتعب.. أنا محتاجة اشتغل عشان أعيش زي أي بني آدمة طبيعية.. أنا غلطت وربنا بيسامح.. ليه البني آدمين مش عاوزين يسامح.
وأضافت منى فاروق: أنا بسمع بودني لا بلاش منى عشان الفيلم والدعاية متضرش الفيلم أو المسلسل.. ليه يا ربي أنا بقيت منبوذة من كل الناس أنا مش طالبة غير اشتغل في الحاجة اللي بحبها عشان أعرف أعيش.. المجتمع حاططني في المكان الوحش بس مش يمكن عاوزة أبقى كويسة زي أي واحدة ليه بتقفلوه قدامي في كل حاجة.. عشان كده أنا بناشد الدكتور أشرف زكي والأستاذ أشرف عبد الباقي وشركات الإنتاج محتاجة الشغل.. عاوزة أعرف أعيش ولما قولت قرار اعتزال من أجل لو حد شافني بشتغلي في محل لبس أو أي شغل ميقولش إيه ده.. والله مش طالبة غير أشتغل.. أبوس إيديكم عاوزة أشتغل.
