الإعلامية نورين شحاتة تناقش فكرة مشاركة التجارب والحياة الشخصية على السوشيال ميديا
ناقشت الإعلامية نورين شحاتة والإعلامي ممدوح الشناوي في برنامجهما البيه والهانم المذاع عبر قناة القاهرة والناس، فكرة مشاركة التجارب والحياة الشخصية على السوشيال ميديا وتأثير ذلك على الشخص والمحيطين به.
وقال ممدوح الشناوي: السوشيال ميديا أصبحت عامل مؤُثر، فهل الأصح نقول مشاعرنا وأحساسينا ونحكي كل حاجة، ولا نخاف من العين والحسد ونقفل الباب علشان ما نتعبش لأن ناس كتير ممكن تبص في حياتنا وتبوظها.
من ناحيتها، قالت نورين شحاتة: الفكرة مش في الحسد بس، ولكن هل طبيعي لو مضيقة أشارك كل انفعالاتي على السوشيال ميديا، وأحكي مواقف مريت بيها علشان الناس تستفيد؟، أنا شخصيًا لا أفضل ده، أنا دايما بحب أشارك حاجات فيها طاقة إيجابية أو تخص شغلي لكن ليه أحط مشاكل؟.
برنامج البيه والهانم
يُشار إلى أن برنامج البيه والهانم، والذي تقدمه الإعلامية نورين شحاتة والإعلامي ممدوح الشناوي، يعد برنامجًا اجتماعيًا يناقش كل ما يخص المرأة والرجل، وخلال الحلقات سيتم استضافة مجموعة من نجوم الفن على مدار الحلقات، والبرنامج من إنتاج شركة ريكورد ميديا، ويعرض من الأحد حتى الأربعاء في الساعة السادسة مساء.
