نورين شحاتة في مواجهة قوية مع ضيف برنامجها البيه والهانم: الست مبتحسش بأنوثتها إلا لما الراجل يغير عليها
استضافت الإعلامية نورين شحاتة في برنامجها البيه والهانم، الذي تقدمه مع الإعلامي ممدوح الشناوي عبر قناة القاهرة والناس، البلوجر عبد الله محمد والكاتبة هناء عبد الفتاح.
وناقشت نورين شحاتة وممدوح الشناوي في البيه والهانم، بعض الأفكار التي تخص المرأة والرجل، واختلفت نورين شحاتة وهناء عبد الفتاح مع البلوجر عبد الله محمد في كثير من الأمور، إذ يرى البلوجر أن الرجل من حقه أن يتدخل فيما ترتديه زوجته، وأن المرأة أصبحت في الوقت الحالي لديها بعض المعايير الجديدة والمختلفة على المجتمع.
وقالت نورين شحاتة في بداية الحلقة موجهة حديثها للجمهور: الراجل راجل والست ست، الراجل راجل في حقوقه والحتة اللي تخصه والست ست في حقوقها والحتة اللي تخصها، عشاق التريند هل فيه حد ممكن حد يكون عدو للمرأة علشان متضايق منها أو عدو للمرأة علشان مظلوم منها، ولا علشان التريند بيقول كده، هل المعتقدات الشخصية حقيقي هل فعلا الست بقيت قوية لدرجة إنها ممكن تكون ظالمة للرجال، هل فعلا الستات بيقولوا معلومات كبيرة وشخصياتهم قوية لدرجة الرجالة بقوا مظاليم؟
ودخلت نورين شحاتة في مواجهة قوية مع البلوجر عبد الله محمد إذ قالت: إحنا الستات نتمنى وحابين وبنناشد إن الراجل يبقى راجل، ليرد عليها: مش ده اللي أنتم عاوزينه، أنتم عاوزين راجل مش بيغير ولا بيسأل أنتم رايحين فين وجايين منين.. وعاوزين راجل متظبط أو متبرمج بالكود اللي يمشي على هواكم.
وردت نورين شحاتة قائلة: مين أنتم؟ أنا شايفة أنك شايف حاجة غلط جدًا، الست مش بتحس إنها ست إلا لما الراجل يغير عليها أو لما بتحس إن في راجل حاميها وواقف في ضهرها لو حصل لها حاجة أو أي راجل يبص لها، ويكون هو أول واحد يقف جنبها.. بالعكس الست متضايقة أنها ساعات بتبقى راجل وست.
من ناحيتها قات الكاتبة هناء عبدالفتاح موجهة حديثها لـ البلوجر: بتذكر بصيغة الجمع ليه، هل قعدت مع الستات كلهم والسواد الأعظم قال عاوزين واحد مش بيغير ولا بيسأل؟
وأشار عبد الله محمد إلى أن هناك كثيرا من المعايير التي أصبحت دخيلة على المجتمع وتنادي بها المرأة قائلًا: المرأة أصبحت مؤمنة بأنها غير ملزمة تأكل الراجل، ومش ملزمة تبات في بيتها ومش من حقه يسألها تلبسي إيه، ودايمًا الست بقت تنادي بأن جسمك ملكك ومش من حقه يقول لك تلبسي إيه.
فيما عارضته الكاتبة هناء عبد الفتاح قائلة: مين قالك إن دي طلبات الستات إن الراجل يكون مش بيغير وبيقول هي رايحة فين وجاية منين؟ لو مش بيغير هعتبر أنه مش موجود أصلا والست أهم حاجة عندها الاهتمام.
