سمسم شهاب: ألحان أغانيا بتتسرق.. ورفعت قضية ضد سعد الصغير
كشف المطرب سمسم شهاب، أنه تعرض طيلة مشواره لسرقة ألحان أغانيه ولكنه يرفض أن يدخل في تصادم مع أحد، ولم يرفع قضية سوى على المطرب سعد الصغير وندم على ذلك الأمر.
وقال سمسم شهاب في لقائه مع القاهرة 24: بتفرج على الحروب ومش بدخلها، وفيه أغاني ليا بتتسرق ومرة واحدة عملت لسعد الصغير قضية ومن وقتها ما عملتش ده تاني لأن الصحافة بدأت تكتب والموضوع كبر أوي ولقيت نفسي مش بتاع الحاجات دي ومش تصادمي، ولكن اللي خلاني أعمل كده أن الأغنية مش بتاعتي وكانت بتاعة أخويا أحمد اسمها أحمد ربنا إنك عايش وأنا أخوه الكبير وكان لازم أقف له، ولقيت الموضوع بدأ ياخد منحنى آخر لأن سعد كان منور واتكتب أني بحاول أعمل بروباجندا علشان التريند، واتقابلنا أنا وسعد ولكن مفيش بينا تعامل.
وأضاف سمسم شهاب: اتسرق مني ألحان كتير ومنها ألحان سمعت وما ينفعش أقول عليها علشان ما اسأش لصحابها ومش عاوز يكون في بيني وبين حد عدواة ومش عاوز أضايق حد واللي خدوها بحبهم.
