خالد عليش: ما كنتش أحلم بعشرة في المية من اللي أنا فيه.. ومعيش بنتي في مستوى مناسب |فيديو
رد الفنان والمذيع خالد عليش على تصريح سابق لطليقته ميما الشامي، قبل أربع سنوات، كشفت فيه عن أجره، وقالت إنه يدفع مصاريف لابنته 4000 جنيه فقط، في حين دخله الشهري 75000.
وقال خالد عليش خلال ندوة تكريمه بموقع القاهرة 24: أنا معايا فلوس كتير الحمد لله، ودي حاجة ما تضايقش حد، أنا بشتغل وبتعب وبجتهد، وشقيت جدا، فطبيعي الحمد لله إني أكون بشتغل بفلوس، كتير جدًا بقى لحد فين دي حاجة تقديرية.
وأضاف خالد عليش: أنا بالنسبة لي اللي أنا فيه ما كنتش أحلم بعشرة في المية منه ولا كنت أحلم أركب العربية اللي أنا راكبها دلوقتي، فربنا كرمني وجبت عربية كويسة وساكن في مكان كويس وبشتغل وبكسب فلوس كويسة ومعيش بنتي في شكل اجتماعي معين وفي نادي مناسب ومدرسة مناسبة ومصاريف مناسبة وبلبس مناسب بس أكتر من كده يبقى افترى.
ويُشار إلى أن خالد عليش يعاني من أزمة مع طليقته ميما الشامي ووالدة ابنته، وذلك منذ طلاقهما في 2020، حيث يشكو دائمًا من النفقة وأنه لا يعرف يرى ابنته بشكل كاف.
أحدث أعمال خالد عليش
ويشارك خالد عليش في فيلم ليه تعيشها لوحدك، مع الفنان خالد الصاوي والفنان شريف منير، ومن إخراج حسين الجوهري وتأليف أحمد عبد العزيز، ويضم العمل أيضًا كل من سلمى أبو ضيف، محمد رضوان، مؤمن نور وعدد آخر من الفنانين.
