ابني مسرقش ده حامل كلام ربنا.. ننشر أقوال والد طالب تعرض للخطف داخل سنتر تعليمي بالبدرشين
حصل القاهرة 24 على نص التحقيقات في القضية التي حملت رقم 23953 لسنة 2023 في واقعة استدراج وخطف طالب وتقييده بالحبال وإجباره على توقيع إيصالات أمانة واحتجازه داخل سنتر تعليمي بالبدرشين.
استدراج وخطف طالب
واستمعت جهات التحقيق لأقوال والد المجني عليه والذي قال: أنا مشوفتهمش علشان كنت في شغلي وهما بيعملوا كده ولما عرفت أنه محجوز في السنتر بتاع إكرامي رحت على هناك وقابلت وحدة هناك عرفت إن اسمها سها وقلتلها فين ابني خالد أنتوا حاجزينه ليه.
وأضاف والد المجني عليه في واقعة استدراج وخطف طالب وتقييده بالحبال وإجباره على توقيع إيصالات أمانة: قالتلي تعال اتفضل ابنك فوق وطلعنا فوق وقعدت ولقيت راجل اسمه عبده وشاب اسمه باسم فقولتلهم ابني فين، فقالولي ابنك كويس وارتاح وبعدين قالولي إن في حاجات كانت مسروقة من السنتر وحد قلنا أن ابنك سرقها، فقولتلهم ابني مسرقش وابني حامل كتاب ربنا ولا يمكن يعمل كده.
واختتم والد المجني عليه في واقعة استدراج وخطف طالب وتقييده بالحبال وإجباره على توقيع إيصالات أمانة: أنا عارف أسلوبه وبعدين جابولي واحد تاني معرفش اسمه وقالولي ده اللي سرق مع ابنك ومسكناه، فرحت سألته ابني سرق معاك؟ فمردش عليا، فقولتلهم هاتولي دليل أن ابني كان بيسرق، وبعدين الناس اتلمت على صوتي وهدوني وبعدين لقيت ابني نازل مع إكرامي وعزت ورجعنا البيت وابني منهار وقعد ميتكلمش شوية وبعدين قالي أنهم خطفوه في السنتر وكتفوه وبصموه على إيصالات أمانة وبعدين عملت محضر وجيت هنا وده كل اللي حصل.
وكانت محكمة جنايات الجيزة قضت بمعاقبة المتهمين بالسجن عامين لقيامهم باستدراج وخطف طالب وتقييده بالحبال داخل سنتر تعليمي، وإجباره على توقيع إيصالات أمانة وبراءة المتهمة الأخيرة.
