عمر عبد العزيز: الزواج من الوسط الفني مشكلة.. مش متصور أتجوز ومراتي عندها تصوير الساعة خمسة الصبح
تحدث المخرج عمر عبد العزيز، رئيس الاتحاد العام للنقابات الفنية، عن زواجه مؤخرًا من أماني صفوت، وهي سيدة من خارج الوسط الفني، وهو بعمر الـ 70 عامًا، حيث أقيم حفل بسيط حضره المقربون منه، وهم شقيقة المخرج محمد عبد العزيز ونجلها الفنان كريم عبد العزيز والفنانة ميرفت أمين والإعلامية بوسي شلبي.
عمر عبد العزيز: قعدت أرمل 20 سنة.. وحياتي الخاصة بتاعتي
وقال عمر عبد العزيز في لقائه مع القاهرة 24: كنت متزوج من عشرين سنة وربنا توفاها، وتزوجت قريبًا، وقعدت أرمل 20 سنة لحد ما قررت أتجوز تاني، وحياتي الخاصة بتاعتي.
وأكمل عمر عبد العزيز: اخترت شخصا يلائم تفكيري، والموضوع خد أكبر من حجمه، وداخلي إحساس إني لسه متخرج من المعهد من تلات سنين وهفضل كده لحد وفاتي، وبداخلي إحساس إني شاب دائم.
وأضاف عمر عبد العزيز: في النهاية كل شيء نصيب وقسمة، وفوجئت إن الناس نزلوا صور وبيقولوا تريند، وأنا حياتي الخاصة بتاعتي ومش بحب اتكلم في حياتي لأن مش بحب أقتحم حياة الآخرين ومحبش حد يقتحم حياتي.
عمر عبد العزيز: اتجوزت بعد عمر 40 عامًا.. ومفيش قرار خدته وندمان عليه
وأشار عمر عبد العزيز إلى أنه تزوج للمرة الأولى بعد الأربعين عامًا موضحًا: كنت مشغول إني أبني روحي كمخرج، وعندي أسرتي وأخواتي وولادي أخواتي، ومفيش قرار خدته وندمان عليه، لأني بفكر كويس وبعمل اللي يرحيني مش يريح الآخرين.
عمر عبد العزيز: الزواج من الوسط الفني مشكلة.. مش متصور أتجوز ومراتي عندها تصوير الساعة خمسة الصبح
وأكد عمر عبد العزيز أنه كان يرفض الزواج من زميلة بالوسط الفني، قائلًا: أنا تملي أقول زواج الفنان من فنانة مشكلة، لأن طبيعة مهنتنا صعبة، ومش متصور أتجوز ومراتي عندها تصوير الساعة خمسة الصبح، وهي كمان محتاجة زوج يهتم كممثلة، وتركيبتي ما ينفعش أرتبط بحد من الوسط، لأن ظروفنا مش هتناسب بعض، كلهم يشرفوني لكن ماينفعش، والمخرج لما بيدخل شغل بيكون في حالة تحضير وتصوير، ومحتاج أروح بيتي ألاقي حد مهتم بيا.
