رمضان نيلز| موضة أظافر رمضانية تثير الجدل عبر منصات التواصل الاجتماعي.. ومتابعون: يدعون لدين جديد
رمضان نيلز.. تصدر هاشتاج أظافر رمضان التريند على منصة تداول الفيديوهات التيك توك، وتصدر هذا التريند باستخدام الفتيات إلى التصميمات بأشكال رمضانية على أظافرهن، مما أثار الجدل بين رواد السوشيال ميديا.
ترند رمضان نيلز
وتداولت فيديوهات على حسابات الفتيات عبر تطبيق التيك توك، مُتفاعلة مع هذا التريند بمشاركة فيديو لأظافرها اللامعة بأشكال ولاصقات رمضانية بألوان مختلفة منها الهلال والنجوم والفوانيس، احتفالًا بحلول هذا الشهر الكريم، وعلى سبيل المثال تداولت فيديوهات للفتيات داخل صالونات التجميل: تعالوا نعمل رمضان نيلز.. دلوقتي هوريكوا ماي رمضان نيلز.
هجوم رواد مواقع التواصل: يعني إيه رمضان نيلز؟
وأثار الأمر هجوم رواد مواقع التواصل الاجتماعي على هذا التريند، نظرًا لاختلافه عادات وتقاليد هذا الشهر الكريم، مما دفع بعض المُتابعين إلى الرد عبر مقاطع مُسجلة، تنتقد فيها انتشار هذا التريند.
وعلق أحد مُستخدمين تطبيق تيك توك، قائلًا: يا جماعة انا مش فاهم إيه رمضان نيلز دي.. كنت فاكرها رمضان على النيل.. لحد ما شفت صورة الضوافر دي.. هو النيلز لما يتحط عليها هلال رمضان كدة بقيت عادي.. طب وبالنسبة لصلاة التراويح.. كل سنة يخترعوا حاجة.
وأضاف الشاب ساخرًا: لما نشوف السنة اللي جاية الصيام هيبقى اجباري ولا اختياري؟
رمضان صلاة وصوم مفيش نيلز
وقالت إحدى رواد السوشيال ميديا مُعقبة على هذا التريند: عبث بيحصل في رمضان.. يعني ايه رمضان نيلز.. أنا أسمع عن ساحل نيلز أو العيد نيلز.. لكن هتصلي إزاي إنتي والرمضان نيلز بتوعك.. فهميني.. ممكن تهدى عشان الواحد مش ناقص، وأضافت مُشاركة أخرى: رمضان نيلز ده دين جديد؟.. إيه الناس اللي بيعملوا هلال على ضوافرهم ورمضان نيلز.. إيه الموضوع ده.
وأخرى شاركت، قائلة: في حاجة لفتت نظري وأنا بسكرول على تيك توك.. يعني ايه رمضان نيلز.. هو رمضان بقى بيتعمله نيلز.. على أشكال هلال وفوانيس.. ده رمضان المفروض يبقى في صوم وصلاة ومافيش نيلز.. انتوا كويسين؟
