مقدرش أستحمل الخيانة.. مي عمر: بغير على محمد سامي لكن هو محترم جدًا وبيراعي مشاعري
تحدثت الفنانة مي عمر عن كواليس تعاونها مع زوجها المخرج محمد سامي خلال التصوير، إلى جانب حديثها عن مدى غيرتها عليه.
مي عمر: محمد سامي بينفعل عليا قدام الناس.. ومش باخد حقي وبتجاهل
وبسؤال مي عمر عن انفعال محمد سامي عليها في التصوير، خلال لقاء تلفيزيوني، قالت: مش موضوع بيزعق هو ممكن ينفعل، وبينفعل عليا قدام الناس عادي ده وارد، أي مخرج ممكن ينفعل وما بيكونش انفعال بطريقة وحشة، لكن بيكون منفعل علشان عاوز الحاجة أحلى، وأنا مش باخد حقي لأني بفصل وبحاول أتجاهل الموضوع.
وعن غيرتها على محمد سامي قالت: مش بيبن له إني بغير وبيبان قليل، وبغير من حاجات هبلة، زي لو حسيت إن هو شايف أن حد لذيذ مع إنه مبيكونش قصده حاجة، وهو ميعرفش الموضوع ده، وساعات بقول له أنا اضايقت من كذا، ومحمد كويس وبيخلي باله، هو محترم جدًا، في الحتة دي وبيراعي مشاعري جدًا، ولو حصل رد فعلي هيكون مش حلو ومش هفوتها ولا أتقلبها، ولو إشاعة بفوت لأني بثق فيه جدًا.
مي عمر: مقدرش أكون مع واحد بيخوني
وبسؤالها عن إمكانية تقبلها الخيانة أشارت: مستحيل أعمل نفسي مش واخدة بالي ومش هسكت، لكن هاخد موقف لأني مقدرش أكون مع واحد بيخوني ولا أقدر أقبلها، ومش شخصيتي ومقدرش أستحمل ده، وهكون مضيقة أكتر من إني أستحمل.
وتعاونت مي عمر مع محمد سامي في مسلسل نعمة الأفوكاتو الذي انتهى عرضه مؤخرًَا ضمن الأعمال المشاركة في الموسم الرمضاني 2024، وتكون من 15 حلقة فقط.
