كنت معجبة بأبوه.. ننشر اعترافات المتهمة بقتل ابنها من الحمل سِفاحا بالوراق
يواصل القاهرة 24، نشر التحقيقات في واقعة قاتلة طفلها بمنطقة الوراق، التي حملت به، من خلال علاقة غير شرعية مع أحد الأشخاص داخل شقة سكنية بمنطقة إمبابة، وبعد 9 أشهر من حملها تخلصت من طفلها عن طريق دخولها الحمام وإنزال الحبل السري والجنين، ثم وضعته في كيس وألقته في صندوق قمامة.
اعترافات المتهمة بقتل ابنها من السفاح بالوراق
وقالت المتهمة بإنهاء حياة طفلها: طبيعة العلاقة بيني وبين ريمون كانت عن طريق الصدفة وافتكرت إن إحنا هنبقى أصحاب، لإنه كان شكله حلو ولما اتكلم معايا ثاني مرة حسيت أنه محترم وإن إحنا ينفع نبقى أصحاب وعجبني.
وأضافت المتهمة: أول مرة شفت ريمون فيها كان عمال يبصلي بس متكلمش معايا والمرة دي كانت في أواخر شهر يوليو 2022 والمرة الثانية كانت بعدها بكام يوم وساعتها هو ركب جمبي وقال لي إنتي كل يوم يتركبي في نفس الخط وسألني أنتي شغالة إيه واسمك إيه وقال لي أنه معجب بي وبيحبني وساعتها قال لي إن اسمه ريمون.
وأكملت المتهمة: أنا خدت بعضي وروحت الشغل وقالي هنتقابل ثاني، وفعلا أنا قابلته للمرة الثالثة في الميكروباص برده وده خط الجيزة عشان أنا كنت رايحه شغلي، ودار بينا كلام، وهو قال لي إنه بيحبني وسألني إذا كنت فاضية قلت له رايحة الشغل فقال لي متروحيش الشغل وتعالي نخرج مع بعض وفعلا نزلنا من الميكروباص وركبنا توك توك وقال لي عشان إنتي محجبة مش هينفع نخرج في مكان عام تعالي معايا شقة في إمبابة نقعد تتكلم مع بعض وفعلا روحت معاه الشقة وساعتها نام معايا وحصل اللي حصل.
وتابعت المتهمة: أنا روحت الشقة مع ريمون والكلام ده كان في أول شهر أغسطس 2022 بس مش فاكرة يوم إيه بالضبط.
وبسؤال المتهمة عن السبب الذي دعاها للذهاب رفقة ريمون للوحدة السكنية، قالت: زي ما قلت لحضرتك أنا كنت معجبة بيه وكمان مكنش ينفع أخرج معاه في مكـان عشان أنا محجبة وأخاف أن حد يشوفني، وحصلت بينا علاقة جنسية غير شرعية في الشقة زي ما قلت لحضرتك في ثالث مرة اتقابنا قال لي تعالي نخرج شوية وراح وخدني شقة في إمبابة وساعتها أنا رحت معاه بمزاجي وبعد ما طلعنا الشقة عاشرني جنسيا والكلام ده كان في أواخر شهر المسطس 2022.
وبسؤال المتهمة عن عنوان المكان الذي حدث فيه علاقة عير شرعية بين المتهمة وعشسقها، قالت: هي شقة في إمبابة بس أنا مش عارفة هي فين بالضبط بس اللي فاكراه إنها كانت في الدور الأول بعد الأرضي وكانت عبارة عن أوضة فيها مرتبة على الأرض وحمام مكسر وطرقة صغيرة، بس أنا مش فاكرة إي حاجة عشان الكلام ده حصل في شهر أغسطس 2022.
أما عن سؤال المتهمة عن أوصاف القائم على العلاقة الجنسية غير الشرعية بينهما، قالت: هو كان شاب في الثلاثينات وشعره لونه أسود وطوله متوسط ومش تخين ولا رفيع ومكنش فيه أي علامة مميزة ومعرفش غير إنه اسمه ريمون.
وأردفت المتهمة بقتل طفلها بالوراق: خلال إقامة العلاقة الجنسية لم يكن هناك أحد في الشقة غيرنا، وأضافت أنها وقت صعودها برفقة المدعو الشقة لم يراهم أحد، قائلة: مكنش فيه غيري أنا وريمون بس في الشقة ساعتها، وأنا طالعة الشقة معاه محدش شفني ومحدش أصلا يعرفني عشان أنا من الوراق، وهو قعد معايا حوالي ساعة خلال العلاقة.
وعن كيفية حدوث العلاقة الجنسية غير لبشرعية، قالت: إحنا أول ما طلعنا الشقة قعد يتكلم معايا شوية وفضل يقول لي أنه يحبني وبعدها قلع هدومه كلها وأنا كمان قلعت هدومي كلها وحصل اللي حصل، وبعدها أنا أخدت بعضي ومشيت.
