أقوال شقيق ضحية الدهس أعلى الدائري: عصام صاصا السبب في وفاة أخويا
خرج مطرب المهرجانات الشعبي، عصام صاصا من مصلحة الطب الشرعي بعد أخذ عينة منه وإجراء تحليل مخدرات، لكشف مدى تعاطيه المواد المخدرة، وذلك على خلفية دهسه شخصًا يدعى أحمد مفتاح يبلغ من العمر 40 عاما، أعلى دائري المنيب وتسببه في وفاته.
أقوال عصام صاصا أمام جهات التحقيق
ويواصل القاهرة 24 نشر التحقيقات في واقعة عصام صاصا المتسبب في وفاة مواطن أعلى الدائري، حيث كان كان عائدا من المعادي متجها إلى منزله الكائن بحدائق الأهرام، وجاءت أقوال شقيق المجني عليه أمام جهات التحقيقات كالتالي:
اسمي جمال مفتاح، 34 سنة، وأقيم بالحى السادس بمدينة 6 أكتوبر بالجيزة، وأعمل سائقا.
وبسؤاله عن ما هي علاقته بالمجني عليه أحمد مفتاح أحمد محروس؟ أجاب: أخويا.
س ما معلوماتك بشان الواقعة محل التحقيق؟
ج اللي حصل إن أخويا جمعة رن عليا وبيقولى روح على قسم الطالبية عشان في حد كلمني من موبايل أحمد بيقولنا اطلعوا على هناك، فأنا قلت لأخويا جمعة روح أنت على القسم وأنا هحصلك، ولما راح لقيته بيكلمني بيقولي تعالى مستشفى الهرم عشان أخويا أحمد هناك، فأنا طلعت على مستشفى الهرم وهناك عرفت إن أخويا اتوفى في حادثة على الدائري.
س: متى وأين حدث ذلك؟
ج: أنا عرفت إن أخويا مات على الساعة 9 الصبح النهاردة 6/5/2024.
س: وكيف نمى إلى علمك عن وفاه شقيقك؟
ج: أخويا جمعة كلمني وقالي القسم عايزنا وهو راح، ولما راح القسم عرف إنه في المستشفى وقالى تعالى على
المستشفى، وأنا لما روحت مستشفى الهرم عرفت هناك إنه مات في حادثة.
س: وما الذي أخبرك به ذلك الشخص تحديدا؟
ج: هو قالي إن القسم عايزنا وبعدها قالي تعالى على مستشفى الهرم عشان أحمد هناك.
س: وما التصرف الذي بدر منك آنذاك؟
ج: أنا بسرعة رحت على المستشفى.
س: وهل نما إلى علمك عن كيفية وفاة شقيقك تحديدا؟
ج: أنا عرفت إنه كان بيعدي الدائري وعربية خبطته ومات.
س: وما هي طبيعة عمل شقيقك تحديدا؟
ج: أخويا شغال في شركة ريتش باك وهو سواق فيها.
س: وأین مقر عمل شقيقك المتوفى تحديدا؟
ج: في مدينة 6 أكتوبر منطقة أبو رواش.
س: هل شقيقك معتاد السير من الطريق محل الواقعة؟
ج: أيوة هو بيركب من الفيوم، وينزل عند طلعة السياحي عشان يركب حاجة يروح مكان الشغل.
س: وما هو موعد وساعات عمل شقيقك تحديدا؟
ج: هو ميعاده في الشغل على حسب المنطقة اللي هيوزع فيها الشغل، بس هو المفروض يبقى هناك من 5:30 صباحًا
بيخلص حوالي الساعة 3 العصر.
س: وما هي أيام عمل شفيقك؟
ج: هو بيشتغل كل أيام الأسبوع ماعدا يوم الجمعة، وساعات بينزل كمان الجمعة.
س: ومن كان رفقته آنذاك؟
ج: لا كان لوحده.
س: وما هو سبب وجود شقيقك بذلك المكان تحديدا؟
ج: كان رايح الشغل.
س: وهل تتهم أحدًا في وفاه شقيقك؟
ج: أيوه أنا بتهم اللي خبطه.
س: وهل من ثمة شبهة جنائية في تلك الواقعة؟
ج: لا.
